Олий таълим, фан ва инновациялар вазирлиги республикадаги 70 та давлат олийгоҳининг 2023 йилнинг дастлабки олти ойи давомидаги даромадлари ва харажатлари ҳақидаги маълумотни очиқлади. 

Қайд этилишича, ҳисобот даврида келтирилган давлат олий таълим муассасаларининг умумий даромади – 4 трлн 501 млрд 238 млн сўмни, харажатлари эса 5 трлн 86 млрд 667 млн сўмни ташкил этган.

Республика кесимида энг кўп даромад Ўзбекистон миллий университети (245 млрд сўм), Фарғона давлат университети (191 млрд сўм), Қорақалпоқ давлат университети (188 млрд сўм) ва Термиз давлат университети томонидан (169 млрд сўм) шакллантирилган.

Тошкент шаҳрида жойлашган энг кўп даромад кўрган олий таълим муассасаларининг қисқа рўйхати қуйидагича:

  • Ўзбекистон миллий университети – 245 млрд сўм;
  • Ўзбекистон давлат жаҳон тиллари университети – 165 млрд сўм;
  • Тошкент давлат иқтисодиёт университети – 151 млрд сўм;
  • Тошкент давлат техника университети – 145 млрд сўм;
  • Тошкент молия институти – 102 млрд сўм.

Рўйхатда келтирилган 70 та давлат олийгоҳининг 32 таси биринчи ярим йилликни фойда билан якунлаган:

  • Самарқанд давлат чет тиллар институти – 33 млрд 299 млн сўм;
  • Навоий давлат педагогика институти - 27 млрд 310 млн сўм;
  • Термиз давлат педагогика институти – 24 млрд 327 млн сўм;
  • Шаҳрисабз давлат педагогика институти – 19 млрд 536 млн сўм;
  • Бухоро давлат педагогика институти – 14 млрд 348 млн сўм;
  • Фарғона политехника институти – 13 млрд 607 млн сўм;
  • Андижон машинасозлик институти – 11 млрд 856 млн сўм;
  • Қўқон давлат педагогика институти – 11 млрд 593 млн сўм;
  • Андижон давлат педагогика институти – 10 млрд 770 млн сўм;
  • «ТИҚХММИ» миллий тадқиқот университети – 8 млрд 455 млн сўм;
  • Ўзбекистон-Финландия педагогика институти – 7 млрд 885 млн сўм;
  • Тошкент тўқимачилик ва енгил саноат институти – 6 млрд 928 млн сўм;
  • Наманган муҳандислик-қурилиш институти – 6 млрд 236 млн сўм;