Қўшимча функционаллар
-
Тунги кўриниш
Фуқароларнинг пластик карталаридан 12 млрд сўм ўғирланган – пойтахт ИИББ
Тошкент шаҳридаги Freedom Payments хорижий компанияси офисига ниқоб таққан шахслар келгани бўйича изоҳ берилди.
Фото: Kun.uz
3 август куни Тошкент шаҳридаги Freedom Payments хорижий компанияси офисига ниқоб таққан шахслар келган. Тошкент шаҳар ИИББ ҳолат юзасидан расмий маълумот берди.
Таъкидланишича, Тошкент шаҳар ИИББ ҳузуридаги Тергов бошқармаси иш юритувида фуқароларнинг пластик карталаридан 12 млрд сўм миқдоридаги пуллар ўғирлангани юзасидан Жиноят кодексининг 169-моддаси («Ўғирлик») билан жиноят иши тергов қилинмоқда. Тергов жараёнида пластик карталардаги пуллар турли тўлов тизимлари орқали хорижий давлатларга чиқиб кетгани аниқланган.
«Мазкур жиноят иши доирасида пойтахтдаги тўлов тизими компанияларидан бирида текширув ўтказилган. Текширув жараёнида ҳеч ким ҳибсга олинмаган, компания масъул ходимларидан ҳолат юзасидан тушунтириш олинган», дейилади ИИББ хабарида.
Олдинроқ Gazeta.uz Тошкентдаги Freedom Payments хорижий компанияси офисига ниқобли одамлар келгани ҳақида ёзганди. Хабарда идорада бўлган бир неча ходим қўлга олингани, уларнинг телефонлари олиб қўйилгани айтилади.
Мавзуга оид
17:28 / 27.11.2024
Уч ҳудудда “права” олиб беришни ваъда қилган шахслар ушланди
19:44 / 19.11.2024
Йўл қурилиши бўйича буюртма олиб бериш эвазига 50 минг доллар талаб қилган шахс ушланди
20:20 / 13.11.2024
Тошкентда ЭКУ маркази устидан жиноят иши қўзғатилди
07:46 / 07.11.2024