Ўзбекистон ва ЕИ Афғонистон бўйича маслаҳатлашувларни давом эттириш ниятида

Ўзбекистон президентининг Афғонистон бўйича махсус вакили Исматулла Эргашев ва Европа Иттифоқининг Афғонистон бўйича махсус элчиси Томас Никлассон ўртасида видео-конференц-алоқа шаклида учрашув бўлиб ўтди.

Фото: Dunyo

ТИВ маълумотига кўра, суҳбат чоғида Ўзбекистон ва Европа Иттифоқининг афғон инқирозини тинч йўл билан ҳал этиш, мамлакатга тезкорлик билан ҳуманитар ва бошқа ёрдам кўрсатиш борасидаги саъй-ҳаракатлари муҳокама қилинди.

Афғон муаммосини тартибга солиш ва халқаро саъй-ҳаракатларни мувофиқлаштиришда БМТнинг етакчи роли муҳимлиги таъкидланди.

Томонлар афғон муаммоси бўйича ҳам икки томонлама асосда, ҳам Марказий Осиё давлатларининг махсус вакиллари даражасида маслаҳатлашувларни давом эттиришдан ўзаро манфаатдор эканини билдирди.

Тайёрлаган: Отабек Матназаров

#Афғонистон #Исматулла Эргашев