50 марта камера ва радарларга тушган қоидабузар жарима баённомаларини коллекция қилмоқда

Ўзбекистондаги телеканаллардан бирида жарима баённомаларини коллекция қилаётган ёш ҳайдовчи ҳақида лавҳа эфирга узатилди.

Фото: Видеодан кадр

Унда ушбу ҳайдовчи йўл ҳаракати қоидаларини бузганлиги учун жарима баённомаларини коллекция қилаётганини билдирган. "Коллекция йиғишни ёқтираман", дейди у.

Ёш ҳайдовчи 70 фоиз қоидабузарликни тезликни оширгани, 20 фоизини қизил чироқдан ўтиб кетгани, қолган жарималар ҳимоя камарини тақмагани ҳамда мумкин бўлмаган жойда тўхтагани учун қўлланган.

"Машинани олган кунимнинг ўзида 3 та радарга тушганман. Кейин ҳар куни секин-секин жарималар келишни бошлаган. Хат келаркан, чиройли конвертда, расмлари бор, кейин коллекция йиғишга ўтдим, тўплаб машинамда олиб юраман. Ҳар кўрганимда ўзимга мотивация бўлади", дейди ҳайдовчи.

Лавҳада айтилишича, у салкам 40 миллион сўмлик жарималарга тортилган. Тўлаган энг катта жаримаси миқдори — 2 млн 970 минг сўм.