У бунга донбасслик командир Жоганинг илтимосидан кейин «рози» бўлди. Бу – унинг навбатдаги, бешинчи президентлик муддатига ўз номзодини қўйишидир.
Россиянинг амалдаги президенти Владимир Путин янги, бешинчи президентлик муддатига ўз номзодини қўйишини маълум қилди.
У ўз қарорини Кремлда Россия ҳарбийларини тақдирлаш маросимидан кейин, Украинадаги уруш қатнашчиси, ўзини ўзи эълон қилган ДХР «парламенти» спикери Артём Жога билан бўлган суҳбатда эълон қилди.
Россияда президент сайлови 2024 йил 15-17 март кунлари бўлиб ўтади.
Владимир Путин бундан олдин 4 марта президентлик сайловида номзодини қўйган ва барчасида ғалаба қозонган. У 2000 йилдан бери Россияга раҳбарлик қилмоқда.
Унинг амалдаги президентлик ваколати 2024 йил 7 май куни ниҳоясига етади.