Ўзбекистондаги энг йирик телеканал Ledokol Group реклама холдингининг таваллуд кунига бағишланган видео репортажни тақдим этди.
Мижозларнинг катта портфели, ўзгаришларга шай ходимлар, бизнес-вазифаларини янги шароитларга мослаштириш — буларнинг барчаси ишлаш ва камол топиш учун барқарор платформани таъминлайди. Бозор ўзгаришларига қандай бэкграунд мослашишга ёрдам бериши, ўзбек реклама бозори қандай кўринишга эга эканлиги, ҳамда қандай янги форматлар ва ҳамкорлар агентликка янада кенгроқ кўламга эришишига ёрдам бериши ҳақида Ledokol Group реклама холдинги директори, — Дилшод Музаффаров сўзлаб берди.
— Ledokol Group холдингининг ташкил топганига 16 йил бўлди, унда қандай муҳим ўзгаришлар рўй берди ва у ривожланишда қандай давом этмоқда?
Бизнинг компаниямиз 16 йил аввал ташкил топган. Ўшнда биз энг олий даражадаги реклама хизматларини кўрсатиш ва нафақат Ўзбекистон, балки дунёнинг бошқа етакчи давлатларидан келган мижозлар билан ишлашга қарор қилган эдик ва айнан шундай бўлди.
Бугунги кунда Ledokol Group — бу, мамлакатдаги етакчи реклама агентлиги бўлиб, самарали реклама воситаларидан фойдаланган ҳолда йирик брендларга ўз савдоларини оширишга ёрдам кўрсатади. Биз медиа стратегиясини ишлаб чиқиш ва ТВ, Интернет ҳамда ООНда реклама хизматларини тақдим этамиз. Шунингдек, 2023 йилдан буён Ledokol Group — OMD Group нинг Ўзбекистондаги ҳамкори ҳисобланади.
— Бозордаги ўзгаришларга тўхтасак, Ўзбекистондаги жорий кундаги реклама бозорини қандай баҳолайсиз? У қаерга томон харакатланяпти? 2023 йил охирига келиб қандай ўзгаришларни айтиб ўтишингиз мумкин? Бизнес нуқтаи назаридан нималар содир бўлди?
Ўзбекистон реклама бозори ниҳоятда диверсификатцияланмоқда. Агар илгари макроиқтисодий даражада жадал иқтисодий ривожланиш кузатилмаган бўлса ва амалда рақобат бўлмаган бўлса, ҳозир кўплаб иқтисодий соҳаларда тектоник силжишларнинг гувоҳи бўлмоқдамиз. Истеъмолчининг хатти-ҳаракати ҳам, одатлари ҳам, реклама берувчиларнинг фаоллиги ҳам ўзгармоқда. Хулқ-атвор омили бизнеснинг кўплаб соҳаларида, жумладан, медиада фаолликнинг ошишига катта таъсир кўрсатди. Жорий кундаги бозор электрон тижорат иштирокчилари, финтех ва экотизим маҳсулотларининг экспансияси билан тавсифланади.
