Алишер Тўхтаев Ўзбекистоннинг Покистондаги элчиси этиб тайинланди

У 2021–2024-йилларда Ўзбекистоннинг Покистондаги элчиси лавозимида ишлаб келган Ойбек Усмонов ўрнига тайинланган.

Фото: dunyo.info

Алишер Тўхтаев Ўзбекистоннинг Покистондаги фавқулодда ва мухтор элчиси этиб тайинланган. Бу ҳақда «Дунё» ахборот агентлиги хабар бермоқда.

У 2024 йил 6 октябр куни Покистон пойтахти Исломобод шаҳрига етиб борган.

Алишер Тўхтаев бу лавозимга тайинлангунга қадар Ўзбекистон ташқи ишлар вазири маслаҳатчиси лавозимида ишлаган.

Дипломат Тошкент давлат юридик институтини (ҳозирги Тошкент давлат юридик университети) тугатгач, ТИВ, Президент ҳузуридаги Стратегик ва минтақалараро тадқиқотлар институти, Президент администрациясида масъулиятли лавозимларда ишлаган.

Шунингдек, у Ўзбекистон пахта-тўқимачилик кластерлари уюшмасида ҳам аввал маслаҳатчи, сўнгра раис ўринбосари лавозимларида фаолият юритган.

Тайёрлаган: Ғайрат Йўлдошев

#Покистон #Алишер Тўхтаев