Хитойда полициячи фарзандини йўқотган аёл учун ўн йилдан бери ўғил ролини ўйнаб келмоқда

Хитойлик полициячи ўғлини йўқотган ва когнитив нуқсони бор аёлга 10 йилдан бери ғамхўрлик қилмоқда. У аёлни она деб атайди ва мунтазам равишда байрамлар билан қутлаб, оилани зиёрат қилиб туради. Бу ҳақда South China Morning Post хабар берди.

Шанси провинциясида яшовчи Ся Чжангҳай ва унинг рафиқаси Лян Цяоциннинг ўғли 2003 йилда вафот этган. Ушбу фожиадан сўнг аёл фалажланиб, хотираси билан боғлиқ муаммолар юзага келган. Турмуш ўртоғи уни ранжитмаслик учун ўғлининг тириклигини, бошқа шаҳарда ишлаётганини айтган.

Кунларнинг бирида Ся Чжангҳай телекўрсатувда Цзян Цзинвей исмли Шанҳай полицияси ходимини кўриб қолди. 2013 йил охирида у полициячи билан реалити-шоу орқали боғланиб, учрашишни сўради, эркак рози бўлди. Шунда полициячи биринчи марта Лян Цяоцинга ўзини унинг ўғли деб таништирди, аёл унга ишонди.

2016 йилда полициячи жуфтликни Шанҳайга таклиф этди, 2018 йилда эса ўзи уларникига Янги йилни нишонлаш учун келди. Полициячи улар билан тез-тез видеоа қўнғироқ орқали гаплашиб туради. Бир куни суҳбат пайтида аёл “ўғли”нинг сочига оқ оралаётганини пайқаб, шундай деди: “Ўғлим, сен қариб боряпсан”.