621 млн сўмлик газдан ноқонуний фойдаланган новвойхона аниқланди

Паст Дарғом туманидаги МЧЖ раҳбари новвойхонани газ тармоғига ноқонуний равишда улаган.

Фото: Бош прокуратура

Энергия ресурслари талон-торож қилинишини фош этишга қаратилган назорат тадбирлари давом этмоқда.

Бош прокуратура маълум қилишича, Самарқанд вилояти Паст Дарғом туманидаги “Ю.М.А” МЧЖ раҳбари М.Ю. новвойхонани газ тармоғига ноқонуний равишда улаган. Натижада жами 621,8 млн сўмлик табиий газдан ноқонуний фойдаланилган.

Мазкур ҳолат юзасидан жамият раҳбарига нисбатан Жиноят кодексининг 169-моддаси (ўғирлик) 4-қисми “а” банди билан жиноят иши қўзғатилиб, гумонланувчи процессуал тартибда ушланган.