Ўзбекистон ЖСТ аъзолиги бўйича Филиппин билан музокараларни якунлади

Филиппин сўнгги икки ой ичида Ўзбекистон билан музокараларни якунлаган тўртта давлатдан бири бўлди.

Фото: Linkedin/ Azizbek Urunov

Ўзбекистон Жаҳон савдо ташкилотига (ЖСТ) аъзо бўлиш бўйича Филиппин билан иккитомонлама музокараларни якунлади. Бу ҳақда Ўзбекистон президентининг Жаҳон савдо ташкилоти масалалари бўйича махсус вакили Азизбек Ўрунов маълум қилди.

«Якшанба бўлса-да, Женевада Филиппин билан икки томонлама музокаралар якунини имзолаш маросимини ўтказдик», деб ёзди у.

1 декабр куни Женевада ўтган учрашувда Ўрунов ва Филиппин элчиси Тиханки Мануэл тегишли протоколни имзолади. Маросимда ЖСТ бош директори ўринбосари Чжан Сянчен ҳам иштирок этди.

Ўруновнинг қайд этишича, Филиппин сўнгги икки ой ичида Ўзбекистон билан музокараларни якунлаган тўртта давлатдан бири бўлиб, қолган учтаси Салвадор, АҚШ ва Хитой эди. Таъкидланишича, умумий келишувлар сони 22 тага етди.

#Филиппин #ЖСТ #Азизбек Ўрунов