Қўшимча функционаллар
-
Тунги кўриниш
Ромитан тумани ҳокими ўринбосари фирибгарликда айбланмоқда
2024 йил мартидан бери Ромитан тумани ҳокимининг инновацион ривожланиш масалалари бўйича ўринбосари лавозимида ишлаб келган Азиз Бобоев жиноий жавобгарликка тортилиши мумкин. У акаси билан бирга фирибгарлик ҳамда ҳужжатларни қалбакилаштиришга оид ишда судланмоқда. Жиноят иши Азиз Бобоев ҳоким ўринбосари ҳисобланган Ромитан туман судида кўриб чиқиляпти.
Фото: Ромитан тумани ҳокимлиги
Жиноят ишлари бўйича Ромитан туман судида ушбу туман ҳокими ўринбосари Азиз Бобоевга нисбатан жиноят иши кўриб чиқилмоқда. Бу ҳақда суд мажлислари жадвалида келтирилган.
Жадвалга кўра, жиноят ишлари бўйича Ромитан туман судида 2025 йилнинг 7 январ куни Бобоев Азиз Хожиқурбонович ҳамда Бобоев Лазиз Хожиқурбоновичга доир жиноят иши кўриб чиқилади. Судланувчиларга Жиноят кодексининг 168-моддаси (Фирибгарлик) 3-қисми “б, в” бандлари, 228-моддаси (Ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш), 2-қисми “а, б” бандлари ҳамда 3-қисми билан айб эълон қилинган. 3 нафар фуқаро жабрланувчи сифатида кўрсатилган.
Ишнинг тафсилотлари ҳозирча аниқ эмас.
Бобоев Азиз Хожиқурбонович 1988 йилда Ромитан туманида туғилган. 2011-2022 йилларда “Микрокредитбанк”нинг Ромитан туман филиалида турли лавозимларда фаолият юритган. 2024 йилнинг март ойида Ромитан тумани ҳокимининг инновацион ривожланиш масалалари бўйича ўринбосари лавозимига тайинланган. Бунгача эса Ҳазортут маҳалласида ҳоким ёрдамчиси лавозимида ишлаган.
Тавсия этамиз
Гўшт нархи ошиши: қўшни мамлакатларда вазият қандай?
Иқтисодиёт | 20:36 / 15.04.2025
ЕОИИ Марказий Осиё интеграциясига монелик қилувчи омил бўлиши мумкин — Фарҳод Толипов
Ўзбекистон | 19:45 / 15.04.2025
Инфляцияни ўлчаш: нархлар қандай кузатилади?
Ўзбекистон | 19:31 / 15.04.2025
Жонни хатарга қўйиб... “Ошқозон”сиз озиш орзуси ҳақида
Жамият | 17:46 / 15.04.2025
Сўнгги янгиликлар
-
Хитой Россиянинг яна бир лойиҳасини рад этди
Жаҳон | 12:53
-
«Яшил энергия» сертификатларини бериш тартиби ўзгартирилди
Ўзбекистон | 12:51
-
АҚШ ва Хитой ўртасидаги божхона уруши: ким ютади?
Жаҳон | 12:46
-
Айрим ҳудудларда ҳарорат нол даражагача пасаяди. Боғдорлар ва деҳқонлар нима қилиши керак?
Ўзбекистон | 12:35
Мавзуга оид
17:50 / 16.04.2025
Перу собиқ президенти пул ювишда айбланиб 15 йилга қамалди
16:34 / 15.04.2025
Миграция агентлигининг фирибгарлик ва жиноий даромадларни легаллаштиришда айбланган собиқ раҳбари оқланди
18:25 / 10.04.2025
Қонун кучга кирганидан 5 йил ўтгач, самарадорлиги баҳоланиши мумкин
11:28 / 08.04.2025
Коррупциявий жиноятлар Адлия вазирлиги тизимида 22 фоизга, ҳокимликларда 43 фоизга камайди – Антикоррупция агентлиги
