Россиянинг кенг миқёсли босқини бошидан бери Украина ҳарбийлари Марказий Осиё давлатларининг 30 нафарга яқин фуқаросини асирга олди. Бу ҳақда Украина адлия вазири Олга Стефанишина маълум қилди.
«Ҳарбий асирларнинг фуқаролиги тўғрисидаги маълумотлар кўпинча уларнинг сўзлари асосида аниқланади, чунки буни тасдиқловчи ҳужжатлар кўп ҳолларда йўқ», деди Стефанишина.
«Қамоқхоналар ва лагерларда жойлашган ҳарбий асирлар фуқаролигидан қатъи назар, халқаро ва миллий ҳуқуқий ҳужжатларда мустаҳкамланган бир хил ҳуқуқий мақомга эга. Ҳарбий асирнинг фуқаролиги, жумладан, қўш фуқаролиги унинг ҳуқуқий ҳолатига ҳеч қандай таъсир кўрсатмайди», деб қўшимча маълумот берди вазирлик.
Хабарда асирларнинг айнан қайси давлат фуқаролари эканига аниқлик киритилмаган.
