Қўшимча функционаллар
-
Тунги кўриниш
2 йил олдин сотилган “Кварц” АЖ яна давлат назоратига қайтди
2023 йил бошида хусусийлаштирилган “Кварц” АЖ давлат назоратига қайтарилди. Завод Кипрда рўйхатдан ўтган офшор компаниялар эгалигидаги “Қувасойцемент”га сотилганди. Давактив хусусийлаштириш битими нима сабабдан бекор бўлгани ҳақида расмий изоҳ бергани йўқ.
Фото: "Кварц" АЖ
Қурилиш ойналари ва шиша идишлар бозорида монопол мавқега эга “Кварц” АЖнинг назорат пакети яна давлат тасарруфига қайтди.
Бу ҳақда Openinfo.uz порталида эълон қилинган 2025 йил 19 мартдаги акциядорларнинг навбатдан ташқари умумий йиғилиши баённомасига таяниб, “КорпИнфо” Telegram-канали хабар берди.
Баённомада Давлат активларини бошқариш агентлиги компаниянинг 89,78 фоиз акциялари эгаси деб кўрсатилган.
“Кварц” АЖ устав капиталидаги худди шу миқдор – 89,78 фоиз давлат улуши 2023 йилнинг февралида 265 млрд сўмга “Қувасойцемент” АЖга сотилганди.
Келишувга кўра, харидор 2018-2021 йилларда “Кварц” томонидан жалб қилинган 47,2 млн евро миқдоридаги кредит маблағларини 2026 йил якунига қадар сўндириши керак эди.
Компания 2024 йилни 142 млрд сўм, 2023 йилни эса 21,7 млрд зарар билан якунлаган. Хусусийлаштирилишдан олдинги йилларда эса, фойда кўриб ишлаган: 2021 йилда компаниянинг соф фойдаси 54,7 млрд сўмни, 2022 йилда 64,3 млрд сўмни ташкил этган.
“Кварц” АЖ ўтган йил Асакабанкдан 8 млн доллар, 2025 йилда эса 60 млрд сўм миқдорида кредит ҳам олган.
Давлат активларини бошқариш агентлиги ҳозирча “Кварц” АЖнинг яна давлат назоратига қайтарилиш сабаблари ҳақида ҳеч қандай изоҳ бергани йўқ.
Маълумот учун, “Кварц”ни хусусийлаштирган “Қувасойцемент” АЖга Кипрда рўйхатдан ўтган United Cement Group (UCG) эгалик қилади. Бу ташкилотнинг таъсисчиси Улуғбек Шодмонов бўлиб, у 2024 йилнинг декабр ойида БААда қўлга олингани ва Ўзбекистонга экстрадиция қилингани ҳақида ОАВда хабарлар пайдо бўлганди.
Тавсия этамиз
Божларни музлатган Трамп, урушдан силласи қуриган Судан – ҳафта дайжести
Жаҳон | 12:50 / 13.04.2025
Сирли эшиклар ва яширин йўлаклар: Тошкент метроси хавфсиз бошпана бўла оладими?
Ўзбекистон | 10:00 / 12.04.2025
Leapmotor автомобилларининг Ўзбекистонга импорти чеклангани юзасидан изоҳ берди
Ўзбекистон | 15:52 / 11.04.2025
“Яқин кунларда рекорд иссиқлик тўлқини кутилмоқда” – иқлимшунос Эркин Абдулаҳатов
Ўзбекистон | 13:00 / 10.04.2025
Сўнгги янгиликлар
-
Саудия Арабистони Суриянинг Жаҳон банки олдидаги қарзини тўлаб бермоқчи
Жаҳон | 21:18
-
Хорватияда оғир тан жароҳати олган ўзбекистонлик ватанга қайтарилди
Жамият | 21:14
-
«АҚШда Россия қарашлари устунлик қилмоқда» – Зеленский Трампни Украинага чақирди
Жаҳон | 21:13
-
Leapmotor автомобили Пискентдаги синовда ижобий натижа кўрсатди. Тақиқ ҳали ечилмади
Ўзбекистон | 20:59
Мавзуга оид
22:35 / 08.04.2025
Тошкентдаги «Матбуот уйи» инвесторга берилгани рад этилди
20:13 / 08.04.2025
Тошкент йўловчи вагонларини қуриш ва таъмирлаш заводи Россия компаниясига ишончли бошқарувга берилди
21:36 / 01.04.2025
“Кварц” давлат ихтиёрига қайтарилганига изоҳ берилди
16:21 / 27.03.2025
2025 йилда 30 триллион сўмлик давлат мулкини сотиб, бюджетга 10 триллион сўм тушириш вазифаси қўйилди
