Алюмин цехида 1,8 млрд сўмлик газдан ноқонуний фойдаланилгани аниқланди

«Ўзэнергоинспекция» Фарғона вилоят ҳудудий бошқармаси ва ҳуқуқни муҳофаза қилувчи органлар ва газ таъминоти корхонаси иштирокида назорат тадбири ўтказилди.

Фото: Ўзэнергоинспекция

Унда, Данғара тумани «Навбаҳор» МФЙда жойлашган «А.М.» МЧЖга қарашли алюминни қайта ишлаш цехида ҳисоблагичдан ташқари яширинча байпас газ қувуридан ноқонуний ҳолатда табиий газдан фойдаланилгани аниқланди.

Ушбу қоидабузарлик натижасида, дастлабки ҳисоб-китобларга кўра, газ таъминоти корхонасига 1 миллиард 805 миллион сўмлик зарар етказилгани маълум бўлди.