Набиуллина: Россия иқтисодий ўсиши учун кўплаб ресурслар тугади

Сўнгги йилларда Россия иқтисодий ўсишини таъминлаган кўплаб ресурслар тугаб бўлди, расмийлар эса ўсишнинг янги модели ҳақида ўйлаши керак, деди Россия банки раиси Элвира Набиуллина 19 июн, пайшанба куни Санкт-Петербург халқаро иқтисодий форумида.

Набиуллина ўз нутқида Россия президенти маъмурияти раҳбари ўринбосари Максим Орешкиннинг фикрига рози бўлди. «Энди, Максим Станиславович (Орешкин) иқтисодий ўсишнинг олдинги модели тугагани ҳақида гапирганда, мен ҳам бу ерда унинг фикрига қўшиламан, у биз икки йил давомида жуда юқори суръатларда ўсганимизни айтди, чунки бўш ресурслар, ишчи кучи ишлатилган», — дея Набиуллина сўзларини келтиради РБК агентлиги.

У ўсишнинг бошқа манбалари сифатида импорт ўрнини босиш, инвестициялар учун сарфланган Миллий фаровонлик жамғармасида тўпланган маблағлар ва «банк тизимининг капитал захираси»ни келтирди.