Ўзбекистон илк бор софлиги 99,9 фоиз бўлган рений металлини экспорт қилди

Ўзбекистонда илк бор софлиги 99,9 фоиз бўлган рений металли экспорт қилинди.

Рений металли экспорти Ўзбекистон технологик металлар комбинати (ТМК) ва Эстониянинг VLCor Baltic OU компанияси ўртасида имзоланган шартнома асосида амалга оширилди. Бу Ўзбекистонда рений металли экспортининг амалдаги бошланишидир.

Рений – мураккаб технологиялар, аэрокосмик соҳалар ва юқори ҳароратли суперқотишмалар ишлаб чиқаришда жаҳонда тан олинган стратегик металл ҳисобланади.

ТМК томонидан 2025 йилнинг биринчи ярим йиллигида амалга оширилган экспорт ҳажми 21,3 миллион АҚШ доллари (ўсиш 118 фоиз)ни ташкил этди.