Хитой юқори технологияларини Ўзбекистонга жалб қилиш режалаштириляпти

Ўзбекистон ташқи ишлар вазири Бахтиёр Саидов Хитойнинг етакчи компаниялари раҳбарларини қабул қилди.

"Биз турли соҳаларни қамраб олган етакчи Хитой компаниялари — Chison Medical Technologies, China Resources Pharmaceutical Group, Norinco, Hangzhou Miuge Chemical Commodities Science and Technologies, Xiamen Tungsten, Shandong Gold, Contemporary Amperex Technology, Great Wall Motor, Origin Quantum, China Aerospace Science and Technolog билан бир қатор мазмунли ва самарали учрашувлар ўтказдик", – деб ёзди Ўзбекистон ТИВ раҳбари ўзининг telegram-каналида. 

Кун тартибида барча йўналишларда ўзаро манфаатли ҳамкорликни йўлга қўйиш, илғор ишлаб чиқариш қувватлари ва юқори технологияларни Ўзбекистонга жалб этиш, маҳаллий мутахассислар салоҳиятини ошириш ҳамда мамлакатни минтақавий ва глобал таъминот занжирларига самарали интеграция қилиш масалалари муҳокама қилинди.

"Биз Хитой компанияларининг Марказий Осиёнинг жадал суръатларда ривожланаётган бозорига кириш борасидаги самимий қизиқишларини қадрлаймиз", дейди Бахтиёр Саидов.