Беларус киберфирибгарлари пулларнинг бир қисмини Ўзбекистонга юборгани маълум бўлди

Беларусликлардан жиноий йўл билан қўлга киритилган пул маблағлари турли мамлакатларга юборилган.

Фото: iStock

Беларус киберфирибгарлари алданган фуқаролардан олинган маблағларнинг 5,9 фоизини Ўзбекистондаги банк муассасалари ҳисоб рақамларига йўналтирган. Бундай маълумотларни Беларус Тергов қўмитаси тақдим этди.

Вазирлик маълумотларига кўра, жорий йилнинг иккинчи чорагида киберфирибгарлар Беларус фуқароларидан жиноий йўл билан қўлга киритган пул маблағларининг 47,2 фоизи Россияга йўналтирилган.

Кейинги ўринларни катта фарқ билан Ўзбекистон ва Словакия эгаллади - 5,9 фоиздан. Топга Тожикистон (5,8 фоиз) ва Қирғизистон (5,6 фоиз) ҳам кирди.

Жиноятчилар, шунингдек, алданган фуқароларнинг маблағларини Ветнам, Малайзия, Люксембург, Исроил ва Чили банк ташкилотлари ҳисоб рақамларига ўтказган.

Тергов қўмитаси фирибгарларнинг схемаси ҳақида ҳам огоҳлантирди: улар абонентларга бонуслар, жўнатмалар ёки товар ва хизматларга чегирмалар олиш таклифи билан электрон почта хабарини юборади. Сўнгра «совринларни» олиш учун ҳавола орқали ўтиш ва ўз маълумотларини киритишни талаб қилади.