Олимлар табиат учун зарарсиз пластмассани ихтиро қилди

Доцент Хо Ен Чонг жамоасининг ишланмаси ўсимликларнинг ҳужайра деворларидан олинган табиий полимер лигнин, шунингдек, карбонат ангидриддан фойдаланади, бу эса жараённи экологик тоза ва энергия тежамкор қилади.

Анъанавий полиуретан заҳарли ва соғлиқ учун хавфли бўлган изоцианатлар ёрдамида ишлаб чиқарилади. Янги усул тайёр материалнинг мустаҳкамлиги, иссиқликка чидамлилиги ва эластиклигини сақлаб қолган ҳолда улардан фойдаланишни бутунлай истисно қилади.

Бундан ташқари, олинган биопластикни қайта ишлаш осонроқ: у органик эритувчиларда эрийди, бу эса унга кўплаб бошқа турдаги «яшил» полимерлардан устунлик беради.

Ишланманинг алоҳида аҳамияти шундаки, у целлюлоза-қоғоз саноати чиқиндиларини қимматли ресурсга айлантириб, улардан фойдаланиш имконини беради.

Усулнинг оммавийлиги саноатда жорий этиш учун истиқболлар очади. Тадқиқотчиларнинг сўзларига кўра, синтез босқичлари сонининг қисқариши ва энергия сарфи янги полиуретанни янада арзон ва экологик жиҳатдан фойдали қилади.