Украина президенти Володимир Зеленский 5 сентябр куни Россия президенти Владимир Путиннинг дипломатик келишув бўйича музокаралар ўтказиш учун Москвага бориш таклифини рад этди, бу ҳақда биринчи марта ABC News телеканалига берган интервюсида маълум қилди.
«У Киевга келиши мумкин. Мамлакатим ҳар куни ракета зарбаларига, ҳужумларга учраётган бир пайтда Москвага боролмайман. Мен бу террорчининг пойтахтига бора олмайман. Путин буни тушунади», деди у.
Зеленский Путин ўзи билан учрашмоқчи эмаслигини бир неча бор таъкидлаган, чунки у «Украинада уруш олиб боришда давом этмоқда».
3 сентябр куни Россия президенти «ҳеч қачон Зеленский билан учрашишга қарши бўлмаганини» айтди.
Аввалроқ Путин «агар Зеленский тайёр бўлса, Москвага келсин, унга 100 фоиз хавфсизлик кафолати берилади» деган эди.
