Ўзбекистон фуқаролари энди Ҳаж ва Умрага онлайн рўйхатдан ўтиши мумкин

Буни амалга ошириш учун янги сервис — “Ҳаж ва Умранинг ягона портали” ишга туширилди. У орқали ташкилотларга шахсан бориш ва қоғоз ҳужжатлар расмийлаштиришсиз ариза топшириш мумкин.

Фото: Kun.uz

Дин ишлари бўйича қўмита хабарига кўра, электрон навбатга рўйхатдан ўтиш икки усулда амалга оширилади — Ягона интерактив давлат хизматлари портали www.my.gov.uz ва www.haj-umra.gov.uz сайти орқали.

Бундан аввал Саудия Арабистони “Ҳаж — 2026” мавсумида зиёратчилар визани фақат Nusuk платформаси орқали берилган соғлиқ ҳолати ҳақидаги тиббий гувоҳнома мавжуд бўлган тақдирда олиши мумкинлигини маълум қилган эди.

Ҳажда иштирок этишга рухсат этилмайдиган касалликлар рўйхатида қуйидагилар кўрсатилган: диализ талаб қиладиган буйрак етишмовчилиги, оғир шаклдаги юрак ва жигар етишмовчилиги, кислород қўллаб-қуввати талаб этиладиган сурункали ўпка касалликлари, шунингдек, жиддий руҳий ва неврологик бузилишлар. Бундан ташқари, ҳомиладорликнинг сўнгги триместридаги аёллар, фаол юқумли ва онкологик касалликларга чалинган шахслар сафарга қўйилмайди.

Тайёрлаган: Отабек Матназаров

#Ҳаж #Дин қўмитаси #Умра