Қўшимча функционаллар
-
Тунги кўриниш
“Валдай” клуби аъзолари ЕИ санкция рўйхатларига киритилади
Европа Иттифоқи мамлакатлари ташқи ишлар вазирлари 15 декабр, душанба куни санкция рўйхатларини кенгайтиради ва унга Россия тарғиботчилари орасидан янги исмларни, жумладан “Валдай” клуби аъзоларини ҳам киритади, дейилади DW мухбирининг хабарида.
DW мухбирининг саволига жавоб берган ЕИ амалдори Брюсселдаги брифингда жума, 12 декабр куни шундай деди:
“Валдай” мунозара клуби Россия ҳукумати томонидан ташкил этилган. Биз унинг Россия ҳақидаги халқаро қабул қилиш ва нарративларга таъсир ўтказиш учун мураккаб восита сифатида ишлашини биламиз. Унга аллақачон Россиянинг беқарорлаштирувчи фаолиятига қарши курашишда қўллайдиган санкция режими татбиқ этилган. Бизда рўйхатда ҳозирнинг ўзида 60 дан ортиқ исм бор, душанба куни эса янги исмлар пайдо бўлади”.
2004 йилда ташкил этилган “Валдай” ўзини эксперт-таҳлил маркази сифатида кўрсатади: у Россия ва хорижий сиёсатшунослар, журналистлар, жамоат арбобларини глобал сиёсий, иқтисодий ва ижтимоий муаммоларни муҳокама қилиш учун тўплайди. Бу муҳокамалар кўпинча Россиянинг энг юқори раҳбарияти, жумладан РФ президенти Владимир Путин билан очиқ мулоқот форматида ўтказилади.
Амалда эса у Россиянинг ташқи ва ички сиёсатига оид нарративларини илгари суриш ҳамда Россия раҳбариятининг империалистик сиёсатини оқлаш учун пропаганда майдони вазифасини бажаради, дейилади DW хабарида.
