Ҳар куни ўртача 39 минг чақириқ: “103” хизмати статистикаси

Республика тез тиббий ёрдам маркази директори Абдувоит Ғофуровнинг таъкидлашича, келиб тушган чақирувларнинг катта қисми шошилинч кўрсатма билан боғлиқ. Хусусан:

• 10 218 037 та — шошилинч кўрсатма билан;
• 3 856 901 та — сурункали касалликлар бўйича;
• 100 453 та — туғуруқ ҳолатлари.

Ҳисоб-китобларга кўра, 2025 йилда “103” хизматига келган мурожаатлар кунлик ўртача 39 178 тани, яъни бир соатда тахминан 1 632 та, бир дақиқада эса ўртача 27 та чақириқни ташкил этган.

Энг кўп мурожаатлар қайд этилган ҳудудлар:

• Тошкент шаҳри — 1 462 006 та;
• Фарғона вилояти — 1 455 255 та;
• Андижон вилояти — 1 344 151 та;
• Сурхондарё вилояти — 1 335 614 та;
• Наманган вилояти — 1 328 391 та.

Энг кам чақириқлар кузатилган ҳудудлар:

• Навоий вилояти — 416 210 та;
• Сирдарё вилояти — 456 803 та;
• Жиззах вилояти — 561 894 та;
• Бухоро вилояти — 678 499 та;
• Хоразм вилояти — 688 594 та.

Маълумот ўрнида қайд этилишича, сўнгги 8 йилда “103” хизмати инфратузилмасини кенгайтириш бўйича амалга оширилган ишлар натижасида “103” хизмати шохобчалари сони 818 тадан 1 680 тага, тез тиббий ёрдам бригадалари сони эса 1 648 тадан 2 865 тага етказилган.

Шунингдек, электрон автоматлаштирилган бошқарув тизими жорий этилиши ҳисобига бригадаларнинг чақирувга етиб бориш вақти ўртача 25–30 дақиқадан 10–15 дақиқагача қисқаргани таъкидланади.