Ўзбекистон 2025 йил декабр ойи ҳолатига кўра, Speedtest Global Index мобил интернет тезлиги рейтингида 76-ўринни эгаллади. Бу ноябр ойига нисбатан 5 поғона пастдир. Мамлакатда мобил интернет тезлиги 51,47 мегабит/секунд деб баҳоланган.
Шунингдек, симли интернет тезлиги ҳам ёмонлашиб, республика 77-ўриндан 83-поғонага тушди. Бунда ўртача тезлик 90,94 Мб/с бўлган.
Энг тез мобил интернет Бирлашган Араб Амирликларида қайд этилди ва 691,76 Мб/с ни ташкил этди. Симли интернет тезлиги бўйича эса Сингапур етакчилик қилмоқда - 410,06 Мб/с.
