Ҳиндистонда эпидемияга айланиши мумкин бўлган бедаво вирус тарқалмоқда

Юзга яқин киши карантинга жойлаштирилган, беморлар Калкуттадаги шифохоналарда даволанмоқда. Бир беморнинг аҳволи оғирлиги айтилмоқда.

Фото: Reuters

Ҳиндистон ҳукумати хавфли Нипах вируси тарқалишини тўхтатишга уринмоқда, деб хабар берди The Independent.

"Ҳиндистон Ғарбий Бенгалия штатида касаллик юқтириш билан боғлиқ бешта ҳолат тасдиқланганидан сўнг Нипах вируси тарқалишининг олдини олишга уринмоқда", — дейилади хабарда.

Нашрнинг ёзишича, юзга яқин киши карантинга жойлаштирилган, беморлар Калкуттадаги шифохоналарда даволанмоқда. Бир беморнинг аҳволи оғирлиги айтилмоқда.

Нипах вируси ўлимга олиб боради ва ҳозирча унинг давоси топилмаган. У кўршапалаклар ва зарарланган мевалар орқали юқиши мумкин.