Филашкиннинг айтишича, 4 феврал, чоршанба куни эрталаб Россия қўшинлари одатда бу пайтда одам гавжум бўладиган шаҳар бозорини кассетали ўқ-дорилар билан ўққа тутган. Бундан ташқари, шаҳарга иккита авиабомба билан ҳам зарбалар берилган.
Оқибатда учта кўп қаватли уй ва учта хусусий уйда вайронагарчилик қайд этилган, шунингдек саноат ҳудудига ҳам зарар етган.
Филашкин ҳалок бўлганлар 43 ёшдан 81 ёшгача, яраланганлар эса 50 ёшдан 72 ёшгача эканини аниқлаштирган. Барча жабрланганларга тиббий ёрдам кўрсатилмоқда.
“Бу — навбатдаги қасддан содир этилган ҳарбий жиноят ва Россиянинг ‘сулҳ’ ҳақидаги барча баёнотлари ҳеч нарсага арзимаслигининг яна бир исботидир”, — деб ёзди Филашкин ўзининг Telegram-каналида.
