Августда амалга ошиши кутилаётган 10 та топ трансфер
|16:27 / 02.08.202616 17110 мин
Винисиус, Салоҳ, Родри ва бошқа юлдузлар қайси жамоаларга ўтиши кутилмоқда?
Одатдагидек, энг шов-шувли трансферлар охирида амалга ошади.
Жаҳон чемпионати трансфер янгиликларини вақтинча сояда қолдирганди. Аммо турнир якунланганидан кейин айнан трансферлар футбол кун тартибидаги асосий мавзуга айланди. Ёз бошидан буён бир қанча йирик трансферлар амалга ошиб бўлди, жумладан, бир неча клуб юз миллион евродан ошувчи харидларни амалга оширди. Аммо катта эҳтимол билан, энг қизиқ трансферлар ҳали олдиндан. Дедлайн яқинлашгани сайин музокараларда кескинлик кучайиб боради ва шов-шувли ўтишлар эҳтимоли ортади. Қуйида август ойида трансфер бозорида рўй бериши мумкин бўлган асосий ўзгаришлар ҳақида.
Бразилиялик ушбу яримҳимоячи 1/8 финалда Норвегия билан ўйинда пеналтини уролмаган бўлса-да, жаҳон чемпионатини муносиб ўтказди. У ўз ҳисобига тўртта голли узатмани ёзиб қўйди ва ўзининг юқори даражасини яна бир бор исботлади. Ушбу бразилиялик футболчига анчадан буён Европа грандлари қизиқиш билдириб келмоқда ва у унинг ўзи ҳам янги босқичга ўтишга тайёр.
«Нюкасл» янги мавсумга таркиби кучсизланган ҳолда етиб келмоқда – Сандро Тонали, Энтони Гордон ва бош мураббий Эдди Ҳау кетишди, энди эса Бруно «Арсенал»га йўл олиши кутилмоқда. L'Equipe маълумотига кўра, «Арсенал» ушбу футболчи трансферини 90 миллион евро эвазига ҳал қилишга яқин. Томонлар сўнгги деталлар бўйича келишиб олиши қолган.
Барколя 2025/26 йиллар мавсумида Луиса Энрике жамоасида асосий таркиб футболчиси эмасди. Шу билан бирга, испаниялик мураббий тез-тез ротацияга қўл урди ва шу туфайли француз футболчиси мунтазам равишда майдонга тушди ва «ПСЖ»нинг чемпионатдаги энг яхши тўпурарига айланди.
Мавзуга оид
Июл ойи бошида Энрике ўз интервюсида Барколя жамоасида қолишини айтганди. Аммо афтидан, вазият ўзгарган. Ян Диоманде учун курашни «Реал»га бой берган «Ливерпул» қанотларни кучайтириш учун ҳаракатларини давом эттирмоқда ва парижанликларга таклиф билан чиққан. Европадаги қатор инсайдерларга кўра, инглиз клуби сўралаётган 170 миллион еврони тўлашга тайёр эмас ва нархни туширишга уринмоқда. Ҳозирча бу ҳаракатлар муваффақиятсиз чиқмоқда, лекин мерсисайдликлар таклифини яхшилаши мумкин.
«Ливерпул»да ўтган тўққиз йилдан кейин Муҳаммад Салоҳ ўз фаолиятининг энг ёрқин даврини якунлади ва инглиз клубини эркин агент мақомида тарк этди. Унинг мерсисайдликлар сафидаги сўнгги мавсуми бир текис кечмади, аммо бу ушбу мисрлик футболчининг жамоа муваффақиятларидаги улушини йўққа чиқара олмайди. Англиядаги фаолияти давомида Салоҳ «Ливерпул» билан кўплаб совринларни қўлга киритди ва клуб тарихидаги энг яхши футболчилардан бирига айланди.
Анчадан буён Саудия Арабистони клуби Салоҳни қўлга киритиш учун асосий даъвогар ҳисобланмоқда. «Ал-Иттиҳод» футболчига 25 миллион евро миқдорида ойлик маош таклиф қилган. Шунингдек, ОАВда «Бешиктош» билан келишув ҳақида хабарлар чиққанди, аммо шу ҳафта турклар клуби спорт директори Ўндер Ўзен бу хабарларни рад этди.
«Олтин тўп» соҳиби ва 2026 йилги жаҳон чемпионатининг энг яхши футболчиси яна диққат марказида. Испаниялик яримҳимоячи хочсимон бўғимларидаги жароҳатидан тўлиқ тикланди ва яна юқори даражадаги футбол намойиш эта бошлади.
Родрининг «Манчестер Сити» билан шартномаси 2027 йил ёзига қадар тузилган, аммо шартномани янгилаш бўйича музокаралар чўзилмоқда. Бу фонда эса футболчининг «Реал»га ўтиши ҳақида хабарлар тарқалмоқда. Испаниядаги нашрларга кўра, футболчининг ўзи ватанига қайтишни истамоқда, Мадрид клуби эса уни майдон марказини кучайтириш учун идеал вариант сифатида кўрмоқда. Шунингдек, вақти-вақти билан «Барселона» томонидан ҳам қизиқиш борлиги ҳақида хабарлар чиқмоқда, аммо бундай сценарий эҳтимоли жуда паст.
Килиан Мбаппе келганидан кейин айнан француз ҳужумчиси аста-секинлик билан «Реал» ҳужум чизиғининг асосий юлдузига айланди. Ва шу фонда Винисиуснинг келажаги борасида турли хабарлар тарқала бошлади. Испан нашрларига кўра, клуб бразилиялик ҳужумчига янги шартнома таклиф қилган, аммо томонлар ҳозирча бу борада келиша олмаяпти.
Агар музокаралар узил-кесил боши берк кўчага кириб қоладиган бўлса, «Реал» ўз етакчиларидан бири учун таклифларни кўриб чиқишга тайёр бўлади. Ҳозир эса ушбу футболчи учун асосий даъвогар «Арсенал» бўлиб турибди, қатор манбаларга кўра, лондонликлар шартнома муддати тугашига бир йил қолган ушбу футболчи трансфери учун 120 миллион евродан ортиқ маблағ сарфлашга ва футболчини ўз таркибидаги энг кўп маош олувчи футболчига айлантиришга тайёр.
«Тоттенҳэм» ўз сардори билан хайрлашиши – амалда ҳал бўлган масала. Аргентиналик ҳимоячи ўтган мавсумни барқарор ўтказа олмаган бўлса-да, жаҳон чемпионатида ҳали яхши спорт формасида эканини намойиш этди. Афтидан, гап футболчидаги мотивацияда.
Ромеро Диего Симеоне тизими учун идеал элемент бўлиб кўринмоқда – «Атлетико» устози ҳам ушбу ватандоши трансферига шахсан қизиқиш билдирмоқда. ОАВ маълумотига кўра, футболчининг ўзи «Барселона»га ўтишни хоҳлайди. Шунингдек, «Интер» ҳам даъвогарлар қаторида, лекин миланликлар клуби ҳозирча футболчининг молиявий талабларини қаноатлантира оладиган ҳолатда эмас. Шу билан бирга, кўплаб инсайдерлар айнан А Серия йўналишини эҳтимоли юқори деб ҳисобламоқда.
Ҳулиан Алварес, 26 ёш
Позиция: ҳужумчи Қаердан: «Атлетико» Қаерга: «Барселона» Нархи: 120 миллион евро
Алварес атрофидаги миш-мишлар ёзнинг бошида бошланганди. Ўшанда «Атлетико» ва «Барселона» ўртасидаги вазият кескинлашганди: мадридликлар клуби каталонияликларни футболчи билан ноқонуний алоқа ўрнатишда айблаган ва ҳатто клуб устидан шикоят қилиб, ФИФАга мурожаат йўллаганди.
«Барселона» томонидан қизиқиш бўлиши тушунарли. Каталонияликлар Роберт Левандовски кетганидан кейин марказий ҳужумчи позицияси учун узоқ муддатли ечим қидирмоқда, Алварес эса ушбу позиция учун асосий нишонга айланган.
Аргентиналик ҳужумчининг ўзи ҳам «Барселона»га симпатияси борлигини яширмайди. «Нима бўлишини билмайман. Аммо менимча, энг яхши вариант трансфер. Мен ўз орзумга етишишни истайман», – деди у ЖЧ вақтидаги интервюсида.
«Атлетико» жиддий қаршиликсиз ўз етакчиларидан бирини қўйиб юбориши даргумон. Катта эҳтимол билан, трансфер нархини ошириш учун мадридликлар музокараларни имкон қадар чўзишади.
Душан Влаҳович, 26 ёш
Позиция: ҳужумчи Қаердан: эркин агент Қаерга: «Атлетико»
2022 йилда «Ювентус» 80 миллион евродан ортиқ маблағ тўлаб, Влаҳовични «Фиорентина»дан сотиб олганди. Туриндаги фаолияти давомида сербиялик ҳужумчи вақти-вақти билан ёрқин даврларни ўтказди, аммо у кутилмаларни тўлиқ оқлади, дейиш қийин. 2026 йил ёзига келиб Влаҳовичнинг бозордаги нархи, Transfermarkt бўйича, 35 миллион еврога тушиб кетди. Форварднинг туринликлар клуби билан шартномаси муддати тугаган, шунинг учун у ҳозир эркин агент мақомида.
Аввалига Влаҳович «Барселона»га ўтиши ҳақида хабарлар чиққанди, аммо каталонлар бор эътиборини Ҳулиан Алваресга қаратишган. Бу фонда эса футболчи учун «Атлетико» асосий даъвогарга айланди, агар аргентиналик ҳужумчи кетадиган бўлса, ушбу клуб ҳужумчи излаб бозорга чиқиши керак бўлади. Бу масала кўп жиҳатдан Алварес атрофидаги вазиятга боғлиқ бўлади.
Жаҳон чемпионати финалидаги олтин гол муаллифи испан футболидаги энг кўп муҳокама қилинаётган футболчи бўлиб қолмоқда. Ферран мунтазам равишда мухлислар ва матбуот томонидан танқидга учрамоқда.
Sky Sports маълумотига кўра, испаниялик ҳужумчи жаҳон чемпионати финалигача ҳам «ПСЖ»га ўтиш вариантини кўриб чиқаётанди. «Барселона»дагилар анчадан буён ҳужум чизиғини кучайтириш устида иш олиб бормоқда, шу туфайли Торрес келажаги борасида хотиржам эмас.
Хабар қилишларича, парижликлар клуби музокараларни чўзмоқчи эмас ва футболчига якуний қарорни қабул қилиш учун муддат белгилаган. Агар бу трансфер ўхшамаса, «ПСЖ» эътиборини муқобил вариантларга қаратади, бу вариантлар орасида ЖЧда порлаган футболчилардан бири Шарл Де Кетеларе ҳам бор.
«Мен «Милан» тарихига ўз номимни ёзиб қўйдим, лекин ҳар бир футболчининг орзулари, қийинчиликлари ва эришмоқчи бўлган мақсадлари бор. Ҳамма янги чемпионатда янги синовларга, тажрибага интилади. Агар бу тез орада содир бўлса, жуда бахтли ва хурсанд бўламан». Португалиялик футболчи ёзни шундай монолог билан бошлаганди. Леау жаҳон чемпионатидан кейин таклифларни ўрганиб, баҳо беришини айтганди.
Лекин ушбу вингер учун даъвогарлар навбати юзага келмади. Ҳозирча унга фақат Туркиядан қизиқиш билдирилмоқда – «Галатасарой» ва «Фенербаҳче» аллақачон музокараларга киришган. Шу билан бирга, «Манчестер Юнайтед» Рафани Европада олиб қолиши мумкин. Журналист Николо Шира хабарига кўра, АПЛ клуби раҳбарияти «Милан» билан боғланган ва трансфер имкониятларини ўрганган.
