Бухгалтерияда вақтни тежашнинг янги йўли: банк операциялари, ҳужжатлар ва ҳисоботлар — барчаси ягона тизим Keeping’да
|15:001 4699 мин
Бухгалтерия ҳисобида вақтнинг катта қисми ҳар доим ҳам бевосита ҳисоб-китобларга сарфланмайди. Маълумотларни турли дастурларга киритиш, Excel файлларини солиштириш, банк операцияларини текшириш, электрон ҳужжатлар билан ишлаш ва ҳисобот учун зарур маълумотларни йиғиш ҳам бухгалтернинг кундалик вазифалари сирасига киради. Ўзбекистонда ишлаб чиқилган Keeping платформаси ушбу жараёнларни ягона тизимга жамлаш орқали бухгалтерия ҳисобини автоматлаштиришни таклиф қилмоқда.
Бухгалтерия деганда кўпчиликнинг кўз олдига ҳисоботлар, жадваллар ва рақамлар келади. Аммо бизнес жараёнларида бухгалтернинг кундалик фаолияти фақат ҳисобот тайёрлаш ва топшириш билан чекланмайди. Савдо операцияларини қайд этиш, ҳисоб-фактуралар билан ишлаш, банк маълумотларини текшириш, ходимлар иш ҳақини шакллантириш, ҳужжатларни расмийлаштириш, солиқ ва бошқа ҳисоботларни тайёрлаш каби вазифалар ягона молиявий тизимнинг турли қисмларидир.
Муаммо шундаки, ушбу жараёнлар кўпинча бир-биридан узилган ҳолда амалга оширилади. Бир маълумот Excel файлида, бошқаси алоҳида дастурда, электрон ҳужжатлар ўзга платформада, банк операциялари эса яна бошқа тизимда бўлиши мумкин. Натижада бухгалтернинг вақти бевосита ҳисоб-китобларга эмас, маълумотларни бир жойдан бошқа жойга кўчириш, текшириш ва солиштиришга сарфланади. Қўлда киритиладиган ҳар бир қўшимча маълумот эса хатолик эҳтимолини янада оширади. Айнан шу нуқтада бухгалтерия жараёнларини автоматлаштириш ва уларни ягона тизимда бирлаштириш эҳтиёжи пайдо бўлади.
Бухгалтерия битта тизимга жамланса нима ўзгаради?
Keeping платформасининг асосий концепцияси бухгалтерия жараёнларини алоҳида-алоҳида дастурларга бўлиб юбормасдан, уларни ягона тизимда бошқаришга асосланган. Платформада савдо операциялари, пул маблағлари, активлар, ходимлар ва иш ҳақи, ҳисоботлар, ижара шартномалари ҳамда бухгалтерия ҳисобининг бошқа йўналишлари билан ишлаш имконияти мавжуд. Бу эса бухгалтер учун кундалик жараёнларни бир нечта дастур ўртасида тақсимламасдан, ягона онлайн муҳитда ташкил этиш имконини беради. Бундан ташқари, Keeping фойдаланувчилари электрон ҳужжатлар алмашинувидан ҳам қўшимча тўловларсиз фойдаланишлари мумкин. Яъни платформадан фойдаланувчи ҳар бир мижоз Ўзбекистондаги энг йирик расмий электрон ҳужжат операторларидан бири бўлган
тизими орқали электрон ҳужжатларни алмашиш имкониятига эга ва бунинг учун алоҳида тўлов талаб этилмайди.
Keeping бизнес раҳбарлари учун ҳам молиявий маълумотларни кузатишни қулайлаштиришга қаратилган. Dashboard орқали даромад ва харажатлар динамикаси, дебитор ва кредитор қарздорликлар, пул оқимлари каби асосий молиявий кўрсаткичларни график кўринишида кузатиш мумкин. Бунинг натижасида раҳбар ҳар бир кўрсаткични таҳлил қилиш учун бухгалтерия дастурининг мутахассиси бўлиши шарт эмас — тизим бизнеснинг умумий молиявий ҳолатини асосий кўрсаткичлар орқали бир ойнада кўриш имконини беради.
Бугунги кунда Keeping платформасидан қарийб 20 минг фойдаланувчи рўйхатдан ўтган бўлиб, уларнинг 10 мингга яқини платформадан фаол фойдаланмоқда. 2024 йил охирида ишга туширилган Keeping Ўзбекистонда 2001 йилдан буён IT соҳасида фаолият юритиб келаётган RealSoft компанияси томонидан ишлаб чиқилган. RealSoft шу кунга қадар 200 дан ортиқ дастурий маҳсулот яратган бўлиб, улар орасида Hujjat.uz электрон ҳужжатлар алмашинуви тизими ҳам мавжуд. Шу жиҳатдан Keeping ва Hujjat.uz ўртасидаги интеграция фойдаланувчиларга бухгалтерия ҳисоби ҳамда электрон ҳужжатлар алмашинувини ягона рақамли экотизим доирасида ташкил этиш имконини беради.
Автоматлаштириш қандай афзалликлар беради?
Бухгалтерия жараёнларида вақт талаб қиладиган вазифаларнинг салмоқли қисмини такрорий операциялар ташкил этади. Маълумотларни бир нечта тизимга қайта киритиш, далолатномаларни шакллантириш, маълумотларни солиштириш ёки ҳисобот учун зарур кўрсаткичларни йиғиш каби ишлар қўлда бажарилганда анча вақт талаб қилиши мумкин. Keeping платформасида эса ушбу жараёнларнинг бир қисми автоматлаштирилган. Жумладан, иш ҳақини ҳисоблаш, ҳисоботларни шакллантириш ва молиявий маълумотларни турли кўринишларда кузатиш каби имкониятлар бухгалтернинг кундалик ишини соддалаштиришга хизмат қилади.
Бунда автоматлаштиришнинг аҳамияти фақат вақтни тежаш билан чекланмайди. Такрорий операцияларни қўлда бажаришга бўлган эҳтиёж камайгани сари, инсон омили билан боғлиқ хатолар эҳтимолини ҳам пасайтириш имкони пайдо бўлади. Платформанинг яна бир муҳим жиҳати — унинг тўлиқ онлайн ишлашидир. Фойдаланувчи логин ва пароль орқали тизимга турли қурилмалардан кириб, бухгалтерия жараёнларини интернет мавжуд бўлган жойда бошқариши мумкин. Бу эса иш жараёнини муайян иш жойи ёки қурилмага боғлаб қўймасдан, янада мослашувчан тарзда ташкил этиш
Сунъий интеллект бухгалтер ишида нимани бажаради?
Сўнгги йилларда сунъий интеллектдан турли соҳаларда фойдаланиш кўлами кенгайиб бормоқда. Бухгалтерия соҳаси ҳам бу жараёндан четда эмас. Keeping платформасида сунъий интеллект технологияларидан, жумладан, ҳисоб-фактуралар билан ишлаш жараёнида фойдаланилади. Бу ечим бухгалтернинг ҳужжатлардаги маълумотларни қайта-қайта қўлда текшириши ва тизимга киритишига сарфланадиган вақтни қисқартиришга хизмат қилади. Платформада тижорат банклари билан интеграциялар ҳам йўлга қўйилган. Бу банк операциялари ҳақидаги маълумотларни қўлда киритиш заруратини камайтириб, банкдаги операциялар ва бухгалтерия ҳисобидаги маълумотларни ўзаро уйғунлаштириш имконини беради.
Электрон ҳужжат айланишида янги ўзгариш
Keeping платформасида электрон ҳужжатлар алмашинуви Ўзбекистондаги энг йирик расмий электрон ҳужжат операторларидан бири бўлган Hujjat.uz оператори орқали амалга оширилади. Платформанинг муҳим афзалликларидан бири шундаки, фойдаланувчилар электрон ҳужжат алмашинуви хизматидан 30 кунлик синов муддати давомида ҳам, кейинчалик танланган обуна тарифи амал қилиш даврида ҳам мутлақо бепул ва чексиз миқдорда фойдаланишлари мумкин.
Бу имконият, айниқса, ҳужжатлар айланмаси юқори бўлган корхоналар учун аҳамиятли. Чунки ҳисоб-фактура, шартнома, далолатнома ва бошқа электрон ҳужжатлар сони ортиб боргани сари, уларни алмашиш билан боғлиқ қўшимча харажатлар ҳам кўпайиши мумкин. Keeping орқали эса электрон ҳужжатлар алмашинуви учун алоҳида тўлов талаб этилмайди. Платформада ҳужжатлар билан масофадан туриб ишлаш имконияти ҳам мавжуд. Telegram-бот орқали керакли ҳужжатларни олиш, мобил қурилма орқали эса электрон рақамли имзо (ЭРИ) ёрдамида уларни имзолаш мумкин. Бу эса ҳужжатлар билан ишлаш жараёнини муайян жой ёки компьютерга боғлаб қўймасдан, янада қулай ва тезкор ташкил этиш имконини беради.
Маҳаллий платформа ва маълумотлар хавфсизлиги
Бухгалтерия тизимларида технологик қулайликлар билан бир қаторда маълумотлар хавфсизлиги ҳам муҳим аҳамият касб этади.
Keeping платформасида маълумотлар хавфсизлигига ҳам алоҳида эътибор қаратилган. Платформадаги маълумотлар Ўзбекистон ҳудудида жойлашган, халқаро Tier-3 стандартларига мос серверларда сақланади. Шунингдек, маълумотларни шифрлаш ҳамда тизимни 24 соат давомида мониторинг қилиш механизмлари қўлланади. Бу эса фойдаланувчилар учун бухгалтерия маълумотлари билан замонавий технологиялар асосида ишлаш билан бирга, уларнинг хавфсизлигини таъминлашга қаратилган муҳим омиллардан бири ҳисобланади.
Бухгалтерия хизматининг нархи қанча?
Keeping платформасидан фойдаланишни янги фойдаланувчилар 30 кунлик бепул синов муддати орқали бошлашлари мумкин. Синов муддати якунланганидан сўнг, фойдаланиш тарифи хизматдан фойдаланиладиган ташкилотлар сонига қараб белгиланади.
Айни вақтда платформада битта ташкилот учун йиллик обуна нархи 880 минг сўмни ташкил этади.
Тарифлар бўйича энг сўнгги маълумотларни платформанинг расмий сайтидан олиш мумкин.
Муҳими, фойдаланувчи платформанинг барча функционал имкониятларидан тўлиқ фойдаланиши мумкин. Шунингдек, техник қўллаб-қувватлаш хизмати барча мижозлар учун қўшимча тўловсиз тақдим этилади. Ҳатто платформада ҳали рўйхатдан ўтмаган фойдаланувчилар ҳам бухгалтерия билан боғлиқ саволларига Telegram гуруҳи орқали мутахассислардан бепул жавоб олишлари мумкин. Бу эса фойдаланувчиларга нафақат рақамли бухгалтерия воситаларидан фойдаланиш, балки зарур ҳолатларда мутахассислардан амалий кўмак олиш имконини ҳам беради.
Бухгалтерияни соддалаштириш, вақтни тежаш ва замонавий технологиялардан самарали фойдаланишни истаганлар учун Keeping — Ўзбекистонда ишлаб чиқилган миллий платформа сифатида муносиб танлов бўлиши мумкин.
Keeping — доимий ривожланиб бораётган платформа. Унга ҳар ойда камида иккита янги имконият ва функция қўшиб борилади. Яқин келажакда эса платформани бизнес эгалари ва бухгалтерлар учун янада замонавий, сунъий интеллект имкониятларига асосланган янги форматдаги ечимга айлантириш режалаштирилган.
