Qozog‘istonlik vaynerlar bokschilar Vasiliy Levit va Yevgeniy Tishchenko o‘rtasidagi katta shov-shuvga sabab bo‘lgan jang ularning nazarida qanday bo‘lib o‘tganiga doir videorolik suratga olishdi.
Instagram tarmog‘ida Sekavines niki ostidagi foydalanuvchining sahifasida "2016 yilgi Olimpiya o‘yinlari bizning nazarimizda" deb nomlangan xazil videotasma paydo bo‘ldi.
Parodiya syujyetiga ko‘ra, qizil va ko‘k formalardagi bokschilar ringda jangga kirishadilar. Rolikda ko‘k kiyimli bokschi(Levit)ning ustunligi aniq ko‘rsatib beriladi.
Jangning bunday tus olishini ko‘rgan referi qizil kiyimli bokschiga yordam bera boshlaydi, keyin esa unga shifokor va boshqa kishilar ko‘mak berishadi, buning natijasida kuchli bokschi butun bir olomon bilan jang qilishiga to‘g‘ri keladi.
Jang yakunlangandan so‘ng referi "qizil"ni g‘olib sifatida e'lon qilib, uning qo‘lini ko‘taradi, qozog‘istonlik bokschi bunga xotirjam munosabatda bo‘ladi va "g‘olib"ni tabriklaydi. Buning ustiga u jang natijasidan norozi muxlislarni tinchlantirgandek bo‘lib barmog‘i bilan "tinchlaning" ishorasini ko‘rsatadi - Levitning bu harakati boks muxlislari orasida mashhur bo‘lib ketdi.
Eslatib o‘tamiz, rossiyalik bokschi Yevgeniy Tishchenkoning g‘olib, deb e'lon qilinishi qozog‘istonlik muxlislarda katta norozilik uyg‘otdi. Hakamlarning qarori butun dunyoning nufuzli sport kanallari tomonidan ham ayovsiz tanqid qilindi.
Keyinroq Internetda qozog‘istonlik bokschi Vasiliy Levit va rossiyalik sportchi Yevgeniy Tishchenko o‘rtasida bo‘lib o‘tgan jang natijalariga doir petitsiya joylashtirildi.
Xalqaro Olimpiya qo‘mitasi Levit - Tishchenko jangining baholanishini adolatli, deb topdi.
