Xitoy Trampning telefondagi suhbati sabab Oq uy bilan bog‘landi

Xitoy hukumati AQShning yangi saylangan prezidenti Donald Tramp Tayvan ma'muriyati rahbari Tsay Inven bilan telefon orqali suhbatlashgach, Oq uy bilan aloqaga chiqdi, deb xabar bermoqda CNN.

Telekanalning ta'kidlashicha, Oq uy “Yagona Xitoy” siyosatiga amal qilayotganini tasdiqlagan.

“Biz “Yagona Xitoy” siyosati tarafdori ekanimizni tasdiqlaymiz. U uchta bayonnoma va Tayvan bilan munosabatlar haqidagi aktga asoslangan”, - deya ma'lum qilishgan Oq uyda.

Avvalroq, Tramp va Invenning telefon suhbati 1979 yildan beri amalga oshirilgan ilk suhbat bo‘lgani xabar qilingandi. O‘shanda AQSh va Tayvanning o‘zaro diplomatik munosabatlari to‘xtatilgan.