YUNISEF: Germaniyadagi ko‘plab qochqin bolalar zo‘ravonlik, shafqatsizlik ichida yashamoqda

Germaniyada boshpana topishni istagan ko‘plab qochqinlarning farzandlari hanuzgacha xavfsiz bo‘lmagan yerlarda yashashiga to‘g‘ri kelmoqda. Ularning ayrimlari ta'lim va qoniqarli tibbiy yordam olmaydi. Bu haqida   YUNISEF 21 mart kuni e'lon qilingan tadqiqoti bayonotida ma'lum qildi.

YUNISEF tadqiqoti doirasida 2015 yildan buyon Germaniyada qochqin sifatida kun ko‘rayotgan 350 ming bolalar va o‘smirlar hayoti o‘rganildi. Ularning ko‘p qismi oylab va yillab zo‘ravonlik, qonunbuzarlikning guvohiga aylanadigan qo‘rqinchli maskanlarda  yashab kelmoqda.  
Bolalarning uchdan bir qisminigina maktab va bog‘chaga borishga imkoni bor. Ularning tibbiy yordam olishga huquqi bo‘lsa-da, surunkali kasalliklar va psixologik muammolar yuzaga kelgan holatlarda ularga nemis bolalari kabi doimiy tibbiy nazorat ko‘rsatilmaydi, deb xabar beradi YUNISEF.

«O‘z ona yurtini yo‘qotgan bolalar zudlik bilan normal hayotga qaytishi lozim», — deydi YUNISEF-Germaniya direktori Kristyan Shnayder. «Bolalar, avvalambor, bolalar, qochqin yoki muhojirlar emas», — deya qo‘shimcha qildi u.