Peterburgdagi yong‘inda halok bo‘lgan o‘zbekistonliklarning ro‘yxati e'lon qilindi

Sankt-Peterburg tarkibiga kiruvchi Kolpino shahridagi yo‘lak plitalarini ishlab chiqarish bo‘yicha angarda ro‘y bergan yong‘in tufayli halok bo‘lgan yetti insonning ismi ma'lum qilindi.

Nation News’ning xabar berishicha, yong‘in oqibatida yetti kishi halok bo‘lgan: Ro‘zmat X., Sirotjon X., Ilyos A., Yunus S., Shahzod K., Zoir A., O‘tkirbek A. Ularning bari "Everest" MChJda ishlab, O‘zbekiston fuqarolari bo‘lgani aytilmoqda.  

Eslatib o‘tamiz, 13 iyulga o‘tar kechasi Sankt-Peterburg tarkibiga kiruvchi Kolpino shahridagi metal angarda umumiy maydoni 600 kv. m.ga teng bo‘lgan yong‘in sodir bo‘ldi. 

Yong‘in qoldiqlarini ajratish paytida o‘t o‘chiruvchilar tomonidan O‘zbekiston fuqarolari deb taxmin qilinayotgan 7 jasad topilgan.

O‘zbekiston TIV topshirig‘iga binoan voqeaning butun tafsilotlarini va halok bo‘lganlarning shaxsini aniqlash jarayonida ishtirok etish uchun O‘zbekistonning Rossiyadagi elchixonasi vakillari Moskva shahridan Sankt-Peterburgga uchib ketishgan.