Қисқартирилган ЙПХ постларида ишлаганлар қаерга ўтказилади? 
14:50 / 10.01.2018
51619
Фото: ИИВ

Республикада озодликдан маҳрум қилиш билан боғлиқ бўлмаган жазолар ижроси учун масъул бўлган пробация хизматини жорий қилиш кўзда тутиляпти. Бу ҳақда “Фаол тадбиркорлик, инновацион ғоялар ва технологияларни қўллаб-қувватлаш йили” давлат дастури лойиҳасида маълум қилинган, деб ёзмоқда "Халқ сўзи" нашри.
 
Хўш, пробация хизмати нима ўзи? У озодликдан маҳрум қилиш билан боғлиқ бўлмаган жазога ҳукм қилинган, шу жумладан шартли ҳукм қилинган маҳкумларни қайта тарбиялаш, уларнинг ҳуқуқларини рўёбга чиқариш борасида ишлар самарадорлигини ошириш ҳисобланади. Шу бўйича ишлаб чиқилиши назарда тутилаётган норматив-ҳуқуқий ҳужжатлар лойиҳаларида ана шу жиҳатлар белгилаб қўйилади. Пробация хизмати шахсий таркибини эса қисқартирилаётган йўл-патрул хизмати постлари штат бирликлари ҳисобидан шакллантириш назарда тутилмоқда.

Бу борадаги норматив-ҳуқуқий ҳужжатлар шу йил 20 ноябрь санасига қадар ишлаб чиқилади.


Улашинг
Top