Qirollikda uzoq yillik ta'qiqlovdan keyin kinoteatrlar o‘z ishini “Qora pantera” sarguzasht filmini namoyish qilishdan boshlaydi.
Kinofilm dastlab Ar-Riyoddagi qirol Abdulloh nomidagi moliya markazida joylashgan 620 o‘rinlik kinozalda namoyish qilinadi.
Namoyish kuni AQShning eng yirik kinoteatrlar tarmog‘i AMC Entertainment tomonidan maxsus tantanalar bo‘lib o‘tadi.
Ilk namoyishga chiptalar 50 saudiya riali (13 dollar) turadi. Ma'lum vaqtdan keyin chiptalar arzonlantirilishi va'da qilinmoqda.
Saudiya Arabistonida yangi ko‘ngilochish sohasi uchun javobgar bo‘lgan axborot va madaniyat vazirligi namoyish qilinishi rejalashtirilgan filmlar mazmunini mamlakatning ma'naviy qadriyatlariga zid kelmasligiga tekshiradi. Qirollikda bir qator imomlar kinoteatrlar ishlashiga qat'iy qarshi chiqishgan.
Saudiya Arabistonida kinoteatrlar 1980-yillar boshida qirol Fahd boshqaruvi vaqtida ta'qiqlab qo‘yilgan.
