Foto: Reuters
AQSh prezidenti Donald Tramp Shimoliy Koreya yetakchisi Kim Chen Inning KXDRda yadroviy va raketa sinovlarini to‘xtatish haqidagi qarorini «yaxshi yangilik» deb atadi. Bu haqda u tvitterdagi sahifasida yozgan.
«Shimoliy Koreya yadroviy sinovlarni to‘xtatish va eng yirik yadro poligonini yopishga rozi bo‘ldi. Bu KXDR va butun dunyo uchun juda yaxshi yangilik – katta o‘zgarish!» - deya yozdi Tramp.
Uning qo‘shimcha qilishicha, endi Kim Chen In bilan uchrashuvni kutmoqda.
Eslatib o‘tamiz, avvalroq KXDR yetakchisi Kim Chen In Pxenyan yadro va raketa sinovlarini to‘xtatayotgani, shuningdek yadroviy sinov maydonchasini yopayotgani haqida ma'lum qilgandi.
Shuningdek, Tramp va Kim Chen In qayerda uchrashishi mumkinligi ma'lum qilingandi.
