Kreml: Putin va Medvedev hukumat yangi tarkibini muhokama qiladi

Rossiya prezidenti matbuot kotibi Dmitriy Peskovning ma'lum qilishicha, davlat rahbari Vladimir Putin va bosh vazir Dmitriy Medvedev o‘zaro uchrashuv davomida vazirlar mahkamasining yangi tarkibini muhokama qiladi. Bu haqda RIA «Novosti» xabar bermoqda.

«Sizlar mendan aniq shuni so‘raysizlar: bugun vazirlar mahkamasi qandaydir tarzda e'lon qilinadimi. Sizlarga shuni aytmoqchimanki, uchrashuv va kun tartibini, albatta, davlat rahbari hamda hukumati raisi aniqlaydi. Biroq, albatta, hozirgi vaziyat hisobga olinsa, katta ehtimol bilan vazirlar mahkamasi tarkibi aynan bugun muhokama qilinishini taxmin qilish mumkin», - deya aytib o‘tdi Peskov.

Eslatib o‘tamiz, avvalroq Kreml Medvedev Putinga hukumat tarkibi bo‘yicha takliflar kiritmagani haqida ma'lum qilgandi.