Kubada halokatga uchragan samolyot bortida 110 kishi bo‘lgan

18 may kuni Kubada halokatga uchragan Boeing yo‘lovchi samolyotida 110 kishi bo‘lgan. Bu haqda samolyotni ijaraga olgan Global Air kompaniyasi ma'lum qildi.  

“Cubana de Aviacion kompaniyasining bortida 104 yo‘lovchi va ekipajning 6 a'zosi bo‘lgan B 737-200 modelidagi samolyoti bugun taxminan soat 12.30da Gavana-Olgin reysini amalga oshirish vaqtida halokatga uchradi”, deb aytilgan aviakompaniya xabarida.

Samolyot havoga ko‘tarilgandan ko‘p o‘tmay Gavana yaqinidagi Santyago-de-las-Vegasdagi  Xose Marti nomidagi aeroportga qulagan. Uch kishi omon qolgani ma'lum qilingan.