Ukraina Britaniyaga Rossiya tajovuzkorligiga qarshi kurashish bo‘yicha taklif bilan chiqdi
Ukraina Oliy radasi spikeri Andrey Parubiy Buyuk Britaniyaga tashrifi vaqtida ushbu davlat hukumatiga «Rossiyaning gibridli tajovuzkorligiga» qarshi kurashish maqsadida parlamentlararo guruh tashkil etishni taklif qildi. Bu haqda siyosatchi tvitterdagi sahifasida yozgan.
«Buyuk Britaniya parlamentining Vakillar palatasi xorijiy ishlar bo‘yicha qo‘mita raisi Tom Tugendxatga Rossiya gibridli tajovuzkorligiga qarshi kurashish uchun parlamentlararo guruh tashkil etishni taklif qildim. Xususan, bu yolg‘on axborotlar tarqatish bilan kurashish uchun kerak», - deya yozgan Parubiy.
Shuningdek, uning ma'lum qilishicha, Britaniya mudofaa vaziri Mark Lankasterga Ukrainaga berilgan yordam uchun minnatdorlik izhor qilgan. Xususan, u Lankesterga «Rossiya tajovuzkorligiga» qarshi kurashayotgan ukrainalik harbiylarni o‘qitishda ishtirok etganlik uchun minnatdorlik bildirdi.
Eslatib o‘tamiz, avvalroq ukrainalik deputat Rossiyani qanday qilib mag‘lub etish mumkinligini aytgandi.
Mavzuga oid
10:50
Surishtiruv: BR ukrainalik bolalarni harbiylashtirishga aloqador
09:50
AQSh Ukraina uzra Rossiya raketalarini urib tushirishdan bosh tortganiga izoh berdi
08:30
Stoltenberg: Ukraina urush tugaguniga qadar NATOga qabul qilinishi mumkin
01:19