AQShning Massachusets shtati plyajlaridan birida topilgan uch metrlik katta oq akula politsiyalarni ham, biologlarni ham o‘ylantirib qo‘ydi: ushbu akula tanasining yarmi qizil rangda bo‘lgan. Bu haqda Fox News xabar berdi.
Voqea joyiga kelgan politsiyachilar akulaning nobud bo‘lishi sababini aniqlay olmagach, olimlarni chaqirtirishgan. Olimlar akulani yorib, uning oshqozonida bir nechta qo‘rg‘oshin yukchalarni topishgan.
Biroq bu akula terisining noodatiy rangdaligiga oydinlik kiritmagan. Biologlar akula tanasining pastki qismi va tumshug‘i qizil rangdaligining sababini tushuntirib berisha olmagan.
Akula terisi va ichki organlari namunalari oq akulalarni o‘rganish markaziga topshirilgan. Olimlar vaqti kelib buning sababini aniqlashga umid qilishmoqda.
