Poroshenko ukrainalik tankchilarning mashqlaridan «kuchli» videoni ko‘rsatdi

Ukraina prezidenti Pyotr Poroshenko ukrainalik tankchilarning mashqlaridan «qizg‘in» videoni o‘zining feysbukdagi sahifasida bo‘lishdi.

Ukraina prezidentining aytishicha, bu videoni internetda tasodifan ko‘rib qolgan.

«Balli, yigitlar! Sizlar - qudrat, jangovar kayfiyat va tuganmas optimizmni o‘zingizda aks ettirasiz. Bizning g‘alaba aniq. Gap - kuchda!», - deya yozgan Poroshenko.

U kadrlarda tasvirlangan mashqlar qachon va aynan qayerda o‘tkazilganiga aniqlik kiritmadi.

9 sentabr kuni Ukrainada Tankchi kuni nishonlanadi.

Eslatib o‘tamiz, avvalroq Ukraina razvedkasi Zaxarchenkoga suiqasdni kim tashkillashtirganini ma'lum qilgandi.

Bildirilishicha, o‘zini mustaqil deb e'lon qilgan «Donetsk xalq respublikasi» («DXR») sobiq yetakchisi Aleksandr Zaxarchenkoga suiqasdni Rossiya tomoni tashkillashtirgan.