Tramp nega Xitoy bilan kelishuvga erishishni xohlayotgani aytildi

Foto: REUTERS

AQSh prezidenti Donald Tramp birjalarda o‘sish qayd etilishi uchun Xitoy bilan savdo bo‘yicha kelishuvga tezroq erishishni xohlamoqda. Bu haqda Bloomberg manbalarga tayangan holda xabar berdi.

Agentlik ma'lumotlariga ko‘ra, Trampning maslahatchilari XXR bilan savdo bitimi tezroq imzolanishiga chaqirishmoqda.

Ta'kidlanishicha, Trampning fikricha, bu AQSh bozorlaridagi vaziyatni yaxshilashga imkon beradi.

Shu bilan birga, AQSh fond bozorlarida so‘nggi oylar ichida Qo‘shma Shtatlar va Xitoy o‘rtasidagi bahs bilan bog‘liq noaniqliklar tufayli indekslarning jiddiy pasayishi kuzatilmoqda.

Eslatib o‘tamiz, avvalroq Xitoy AQShga protest bildirgandi.