AQSh Venesuelaning Guaydo tomonidan tayinlangan vakilini tan oldi

Foto: commons.wikimedia.org/Senado Federal

Amerika prezidenti Donald Tramp ma'muriyati Venesuela muxolifati yetakchisi Xuan Guaydo tomonidan tayinlangan, ushbu davlat hukumatining Qo‘shma Shtatlardagi ishonchli vakili Karlos Alfredo Vekkoni tan oldi. Bu haqda davlat kotibi Mayk Pompeo xabar bergan.

Vekko Venesuela nomidan AQShda diplomatik masalalar bilan shug‘ullanadi, deyiladi 27 yanvar, yakshanba kuni e'lon qilingan xabarda. Bu haqda Reuters ma'lumot tarqatdi.

Avvalroq, 28 yanvar kuni, ikki hafta oldin Donald Tramp respublikachi senator Lindsi Grem bilan Venesuelada harbiy kuch ishlatish imkoniyati haqida gaplashgani ma'lum bo‘lgandi. Gremning so‘zlariga ko‘ra, prezident uning Janubiy Amerika mamlakatida kuch ishlatish bo‘yicha fikri haqida qiziqqan. Senator bu masalada ehtiyotkor bo‘lishga chaqirgan, sababi «muammolar yuzaga kelishi mumkin».

Eslatib o‘tamiz, bundan avval Guaydo Maduro bilan muzokaralardan bosh tortgani, AQSh o‘z shartini ma'lum qilgani xabar berilgandi.

#AQSh #Venesuela #Xuan Guaydo

Venesuela prezident Nikolas Maduroga qarshi ommaviy norozilik namoyishlari girdobida qoldi. 23 yanvar kuni, ushbu namoyishlar avjiga chiqqan vaqtda Venesuela parlamenti rahbari Xuan Guaydo o‘zini mamlakatning muvaqqat prezidenti deb e’lon qildi