Qozog‘iston Markaziy Osiyo davlatlariga taklif bilan chiqdi 

Qozog‘iston Markaziy Osiyo davlatlariga kosmik sohada hamkorlikni yo‘lga qo‘yish taklifi bilan chiqdi, deb yozmoqda Spot.

Toshkentda bo‘lib o‘tgan Markaziy Osiyo birinchi iqtisodiy forumida so‘zga chiqqan Qozog‘iston bosh vaziri o‘rinbosari Jyenis Kasimbek har bir mamlakatga bittadan sun'iy yo‘ldosh tegishli bo‘ladigan, Yerni masofadan turib zondlash beshta sun'iy yo‘ldoshdan iborat guruh tashkil etishni taklif qildi.

«Bu sifatli axborot olish imkoniyatini beradi, Yer yuzasini tezkorlik bilan suratga olish samaradorligini oshiradi. Shuningdek, bu har bir mamlakatga iqtisodiyot sohalari, masalan, qishloq xo‘jaligini rivojlantirishga monitoringlarni tatbiq etishda yordam beradi», - dedi Jyenis Kasimbek.

Bundan tashqari, uning ta'kidlashicha, Qozog‘iston mintaqadagi barcha mamlakatlarga ushbu takliflarni tahlil qilish va o‘rganish uchun ishchi guruhlarni jo‘natishga tayyor.

O‘tgan yilning kuzida Qozog‘iston qo‘shma sun'iy yo‘ldoshni yaratish bo‘yicha O‘zbekistonga taklif bergandi. O‘shanda sun'iy yo‘ldosh mintaqadagi boshqa mamlakatlarga ham xizmat ko‘rsatishi mumkinligi qayd etilgan.

Bundan oldin, Qozog‘iston O‘zbekistonga taklif bilan chiqqandi.