Tramp va Mun Chje Inning KXDR masalasi bo‘yicha uchrashuvi sanasi ma'lum bo‘ldi

11 aprel kuni AQSh prezidenti Donald Tramp Oq uyda Janubiy Koreya rahbari Mun Chje Inni qabul qiladi. Bu haqda RIA «Novosti» xabar bermoqda.

Qayd etilishicha, yetakchilar KXDR muammosini muhokama qilish niyatida.

Shuningdek, har ikki prezident o‘zaro munosabatlar, savdo, siyosat, harbiy sohadagi hamkorlik va boshqa mavzular yuzasidan fikr almashishi rejalashtirilgan.

Bundan oldin, KXDR Janubiy Koreya bilan koreyalararo aloqa ofisidan chiqib ketgandi.

Qayd etilishicha, bu Janubiy Koreya prezidenti Mun Chje Inning davlatlar o‘rtasidagi ziddiyatga yakun yasash bo‘yicha omadsiz urinishi, shuningdek, AQSh va KXDR yetakchilari Donald Tramp hamda Kim Chen Inning muvaffaqiyatsiz sammiti fonida yuz berdi.

Janubiy Koreya vazirligining ma'lumotlariga ko‘ra, Shimoliy Koreya ushbu qaror haqida 22 mart, juma kuni ertalab janubiy qo‘shnilar bilan uchrashuv paytida e'lon qilgan. KXDR vakillari bu qadamga «yuqoridan ko‘rsatma», deya izoh berishgan.

Shuningdek, sobiq razvedkachi KXDR yetakchisining rejalari haqida ma'lum qildi.