Toshkentda navbatdagi avtomobil yonib ketdi. Bu safar Mercedes-Benz

Foto: FVV YoXBB matbuot xizmati

2019 yilning 30 may kuni soat 10:16da Toshkent shahar YoXB kuch va vositalarini boshqarish va muvofiqlashtirish markaziga Chilonzor tumani, Kichik halqa yo‘li ko‘chasi 7-uy oldida Mercedes-Benz rusumli yengil avtomashinasida yong‘in sodir bo‘layotganligi haqida xabar berilgan.

O‘zbekiston Respublikasi FVV YoXBB OAV bilan hamkorlik qilish bo‘linmasi xabariga ko‘ra, voqea joyiga 2 ta yong‘in o‘chirish bo‘linmalari yuborilgan.

Bo‘linmalar chaqirilgan manzilga 7 daqiqada yetib borganda avtomashinaning motor qismi yonib zararlangani va yong‘in haydovchi hamda yo‘lovchilar tomonidan o‘chirilganligi ma'lum bo‘lgan. Tan jarohati olganlar va halok bo‘lganlar yo‘q.

Yong‘inni sababi va moddiy zarar miqdori aniqlanmoqda, deyiladi xabarda.

Bundan oldin, Toshkentda «Gazel» yuk avtomashinasi yonib ketgandi.

Tayyorlagan Отабек Матназаров

#Mercedes-Benz #yong‘in #kunduzgi chiroqlar

2019 yil 9 apreldagi hukumat qarori bilan, kunning yorug‘ vaqtida barcha avtomototransport vositalari yaqinni yorituvchi chiroqlarini yoki kunduzgi signal chiroqlarini yoqib harakatlanishi shartligi belgilandi. Jamoatchilik e’tirozi ortidan mazkur talab avvaliga 2021 yil 1 yanvarga surildi, so‘ng bekor qilindi.