Tojikiston delegatsiyasi O‘zbekistonga rasmiy tashrif bilan keladi

2019 yilning 6-8 oktabr kunlari Tojikiston Respublikasi Madjlisi namoyandagon Madjlisi Oli raisi Shukurjon Zuhurov boshchiligidagi delegatsiya O‘zbekistonga rasmiy tashrif buyuradi.

Qonunchilik palatasi matbuot xizmati xabarida ta'kidlanishicha, mazkur tashrif doirasida delegatsiya a'zolari O‘zbekiston Respublikasi Oliy Majlisi Qonunchilik palatasi spikeri Nurdinjon Ismoilov bilan uchrashuvi rejalashtirilgan.

Uchrashuv chog‘ida tomonlar parlamentlararo hamkorlikning bugungi ahvoli, istiqboldagi rejalar hamda ikki tomonlama aloqalarni yanada mustahkamlash va kengaytirish masalalarini muhokama qiladilar.

Shuningdek, tashrif davomida yuqori martabali mehmon Toshkent va Samarqand shaharlarining diqqatga sazovor joylari bilan tanishishi ko‘zda tutilmoqda.