Portugaliyada Afrikaning eng boy ayoli hisobraqamlariga taqiq qo‘yildi

Portugaliya prokuraturasi Angolaning sobiq prezidenti qizi, Afrikaning eng boy ayoli Izabel dush Santushning Portugaliyadagi hisobraqamlariga taqiq qo‘ydi.

Bu haqda Reuters axborot agentligi xabar berdi. 

Prokuraturada ta'kidlanishicha, ushbu qaror Portugaliya va Angola hukumatlarining birgalikdagi ishi natijasi hisoblanadi. Yanvar oxirida Angola bosh prokurori Xelder Pitta Groz hukumat Portugaliyadan dush Santush hisobraqamlariga taqiq qo‘yishni so‘rashini ma'lum qilgan. Avvalroq dush Santushga Sonangol davlat neft kompaniyasi mablag‘larini xarjlab yuborish ayblovi ilgari surilgan. 

Angola bosh prokurori agar dush Santush Angola poytaxti Luandaga kelganda so‘roqqa o‘z ixtiyori bilan kelsa, hibsga olinmasligini hamda davlatga u o‘g‘irlashda ayblanayotgan 1 mlrd dollardan ko‘proq mablag‘ni to‘lasa, unga qarshi jinoiy ish yopilishini aytgan. 

Angola mutasaddi idoralari dush Santushni pul yuvish, rastrata, o‘z mavqeini suiiste'mol qilish va firibgarlikda gumon qilmoqda. Angola bosh prokuraturasining ta'kidlashicha, davlat ayol va uning turmush o‘rtog‘i ishtirokidagi kelishuvlardan 1,36 mlrd dollar yo‘qotgan. Biroq dush Santush va uning eri bu ayblovlarni rad etmoqda.

Angolaning sobiq prezidenti Joze Eduardu dush Santushning qizi boyligi 2,1 mlrd dollarga baholanadi.