Birinchi bosqich talabalari uchun o‘qish 2 oktyabrdan boshlanadi

“2 sentyabrda oliy ta'lim muassasalariga kirish uchun test va ijodiy imtihonlar boshlangan. Bu abituriyentlar o‘qishga qabul qilingach, 2 oktyabrdan o‘qishni boshlashi rejalashtirilmoqda.

Oliy o‘quv yurtlarining 2-4 kurs talabalari uchun esa o‘qish bugun, 2 sentyabrda boshlanishi iyun oyidan beri aytib kelinmoqda”, dedi Babashev AOKA shtabidagi brifingda.

Vazirlik rasmiysi akademik litseylarda o‘qishning boshlanish muddatlari xususida ma'lumot berdi.

“Akademik litseylarda, oliy ta'lim muassasalari singari bugun, 2 sentyabrdan o‘qish rasman masofaviy shaklda boshlandi. 

Akademik litseylarda ta'limni masofaviy yoki an'anaviy shaklda boshlash bo‘yicha ota-onalar o‘rtasida so‘rovnomalar o‘tkazilgan. Natijalar tahlil qilindi. Joriy yil 7-14 sentabr kunlari akademik litseylarning 1-bosqichiga qabul qilish bo‘yicha test sinovlari o‘tkazilib, natijalari e'lon qilinishi bilan ta'lim an'anaviy yoki masofaviy shaklda davom ettirilishi yuzasidan qo‘shimcha xabar beriladi”, deya matbuot kotibining so‘zlarini keltirmoqda Kun.uz muxbiri.