Maksimal 189 ball töplagan – kontraktga, 72 ball yiğgan – grantga. Qabuldagi adolatsiz tizim özgarişi kerak

Demak, qaysidir abituriyent u yaşab turgan tumanga maqsadli qabul asosida kvota ajratilmagan bölsa yoki maqsadli qabul ajratilgan OTMni emas, aytaylik poytaxtdagi OTMni tanlasa, köproq ball töplagan bölsa-da, şartnoma asosida, özidan kam ball töplaganlar esa grant asosida ta'lim oladi.

Töğri, maqsadli qabul asosida öqiganlarning keyinçalik öz hududiga borib belgilangan muddat davomida işlab beriş majburiyati böladi. Lekin yuqori ball bilan kontraktga öqişga kirgan yoş ham balki xuddi şu işni qila olar: ya'ni u ham şifokorlarga talab yuqori bölgan hududlarga borib (öşa yerda tuğilib ösmagan bölsa ham) işlab berişni niyat qilgandir. Ayni paytda buni rağbatlantiruvçi tizim ham işlab çiqilmoqda.

Mana şu vaziyatda tibbiyot oliy öquv yurtlariga hujjat topşirib, 189 ball olgan, lekin maqsadli qabul tanlovida iştirok etmagani uçun şartnoma asosida qabul qilinganlar ançagina.

Qudratullo Töxtasinov Farğona viloyatining Farğona tumanidan. U Andijon davlat tibbiyot institutining «Davolaş işi» yönalişiga 189 ball bilan tölov-şartnoma asosida talabalikka tavsiya etilgan. Lekin şu OTMning şu yönalişiga maqsadli qabul asosida 140 ball atrofida töplab grant asosida kirganlar ham bor.

Jamşidbek Imomov esa Farğona viloyati Buvayda tumanidan. U Toşkent davlat tibbiyot akademiyasi «Davolaş işi» yönalişiga hujjat topşirib, 189 ball bilan tölov-şartnoma asosida talaba bölgan. Bu OTMning şu yönalişiga ham ança pastroq bilan grant asosida talaba bölgan maqsadli qabul yoşlari ançagina. Masalan, Arnasoy tumani abituriyentlariga 132,7 ball grantga kiriş uçun kifoya qilgan.

Maksimal ball yiğgan eng bilimli yoşlar esa maqsadli qabul kvotasida iştirok etmagani uçun pul tölab öqişadi.

«Buxoro tibbiyot institutining öqitiş rus tilida bölgan davolaş işi yönalişiga hujjat topşirib, 189 ball bilan kontraktga kirdim. Lekin xuddi şu yönalişga Jondor tumanidan bölgan talaba 72,7 ball bilan grant asosida qabul qilingan», – deydi birinçi bosqiç talabasi bölgan Diyora Ismatova.

Bir guruh köngilli yoşlarning Kun.uz'ga ma'lum qilişiça, maksimal ball bilan kontraktga öqişga kirgan yoşlar nomidan Davlat qabul komissiyasiga taklif yuborilgan.

Faollardan biri repetitor Ravşan Meliqöziyevning sözlariga köra, ular maksimal ball töplagan abituriyentlarni avtomatik tarzda davlat granti asosida talabalikka qabul qiliş taklifini berişgan.

«Abituriyent bir neça yillar davomida öqişga tayyorlanadi, testga kiradi va barçasini 100 foiz töğri işlab, viloyatiga grant kvota yöqligi uçun kontrakt çiziğida qolib ketadi. Lekin undan kamroq ball töplagan boşqa bir kişi maqsadli qabul bilan grantga öqişga kiradi.

Töğri, bu yerda hammasi qonuniy edi, lekin şu qonunlarning özi xato edi. Qaysi yönaliş bölmasin, grant ajratiladimi, ajratilmaydimi, lekin bilimi bilan testlarni 100 foiz töğri yeçib, maksimal ballni töplagan abituriyent grantda öqişi şart. Negaki u bilimi borligini isbotladi. Grant öqişi uçun yana nima qilişi kerak?

Öqişga qabul qiliş tizimini qayta körib çiqiş kerak. Har qanaqa holatda ham, qaysi yönaliş bölişidan qat'i nazar, testlarni 100 foiz töğri işlab, maksimal ball yiğgan abituriyentlar heç qanday istisnosiz öqişga grant asosida qabul qilinişi kerak.

Mantiqsiz imtiyozlar tölib yotibdi. Bölar-bölmasga imtiyoz ajratavermay, maksimal ballni yiğib qöygan bilimli abituriyentlar grantda öqişini aniq belgilab qöyiş kerak. Bu imtiyoz emas, mantiqli va adolatli tizim böladi.

Pandemiya kuçli tibbiyot xodimlariga ehtiyoj juda kattaligini körsatib qöydi. Bilimli abituriyentlar maksimal ball bilan kontraktga kirgani uçun şaroiti sabab tibbiyot yönalişini taşlab ketişiga yöl qöymaslik şart», – deydi u.

Abituriyentlar özi tanlov qiladi: kasb tanlaydi, şaroiti qaysi OTMning kontraktini tölaşga yetişini ham çamalaydi. Biroq ular şunçaki qaysidir tuman yoki hududda tuğilmagani uçun öşa yerda tuğilgan birortasidan köproq ball yiğib ham kontrakt tölaşi töğri emas.

Mana şu narsa ham OTMlarga kirişga imtiyoz berişning töğri emasligini yana bir marta körsatmoqda. Imtiyozlar yuzaga çiqargan boşqa notengliklar haqida esa yetarliça gapirib bölindi.

Ta'lim muassasalariga öqişga qabul qiliş böyiça Davlat komissiyasi bunga yetarliça e'tibor qaratadi, degan umiddamiz.

Zilola Ğaybullayeva