Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • O‘zbekiston | 14:37 / 25.02.2021
    31841
    3 daqiqa o‘qiladi

    Dong‘i dunyoga doston shahar – Dubay. Amirliklardan Kun.uz fotojamlanmasi

    Kun.uz ijodiy jamoasi Birlashgan Arab Amirliklarida ijodiy safarda bo‘lib qaytdi. Safarimiz davomida qator jurnalistik materiallar tayyorlash bilan birga, mamlakatning eng yirik shahri – Dubay va boshqa amirliklar manzaralarini ham kamera obektiviga muhrladik.

    Bir necha o‘n yil ichida sahro ichidan ko‘kka bo‘y cho‘zgan Dubay bugun G‘arbiy Osiyodagi eng yirik biznes xab maqomiga da'vo qiladi.

    Neft daromadidan gullagan, qariyb 3,5 million aholiga ega megapolis iqtisodiyotining asosida bugungi kunda xalqaro savdo, turizm, aviatsiya, ko‘chmas mulk va moliyaviy xizmatlar kabi sohalar yotadi.

    Osmono‘par binolari, sohilbo‘yi dam olish maskanlari, ko‘ngilochar va savdo markazlari, xavfsizligi va boshqa qator omillar hisobiga Dubay har yili millionlab sayyohlarni o‘ziga jalb qiladi. 2020 yil pandemiya kuzatilganini hisobga olib, 2019 yilgi ma'lumotlarga yuzlansak, Dubay – eng ko‘p xorijlik tashrif buyuruvchi dunyodagi top-7 shahardan biri.

    Yetti amirlikdan iborat mamlakatda aholining aksar qismi – muhojirlar. Ammo ular yashovchi tumanlarda har doim ham dabdabani uchratavermaysiz. Shu va boshqa jihatlar bilan jonli fotojamlanmamizda tanishing.

    Dubaydagi Burj Xalifa – dunyodagi eng baland inshoot. Bino balandligi 829,8 metr.

    Burj Xalifa va Dubai Mall o‘rtasidagi Dubay favvorasi

    Birlashgan Arab Amirliklari aholisining 80 foizdan ortig‘i – muhojirlar

    Kelajak muzeyi. Dubaydagi bu yangi muzey insoniyatni kelajakda kutayotgan imkoniyatlar va tahdidlarga bag‘ishlangan.

    Palm Jumeyra sun'iy orolidagi Atlantis mehmonxonasi

    Dubayga yondosh Sharja amirligidagi muhojirlar yashash maskani

    Har yili 320dan ortiq qush turlari BAA orqali Afrika, Osiyo va Yevropaga migratsiya qiladi.

    Fujayra amirligidagi tog‘lar

    Mamlakatning aksar hududi Arab sahrosiga kiradi.

    BAA – avtomobil yo‘llari sifati bo‘yicha reytinglarda old qatorlarda turuvchi davlatlardan
    Fujayra amirligi. BAAning 7ta amirligidan 6tasining qirg‘oqlarini Fors ko‘rfazi suvlari yuvib turadi. Mamlakat g‘arbidagi Fujayra amirligi Ummon ko‘rfaziga tutash.

    Fujayra shahridagi shayx Zayid masjidi – BAAdagi ikkinchi eng yirik masjid. 2015 yilda foydalanishga topshirilgan.
    Xuddi shu nomdagi, poytaxt Abu-Dabida qurilgan masjid mamlakatdagi eng yirigi sanaladi.
    Masjid bir vaqtning o‘zida 14 ming namozxonni sig‘dira oladi.

    Kun.uz fotomuxbirlari:
    Muhammadjon G‘aniyev,
    Nuriddin Nursaidov.

    «Bunchalik yomon sharoitni tasavvur qilmagandik» — Migratsiya agentligi BAAga yuborgan vatandoshlar lageridan reportaj

    Shaxmat taxtasidan tashqaridagi «o‘yin»lar. O‘zbekistonlik grossmeyster nega BAAga ketishga majbur bo‘lgandi?

    #FootWeek hamon Dubayda: Doston Hamdamov nega MLSga emas, BAAga yo‘l oldi?

    #Dubay #Fotojamlanma #Kun.uz

    Kun.uz bilan sayohat

    Tavsiya etamiz

    So‘nggi yangiliklar

    Barcha yangiliklar

    Mavzuga oid

    11:03 / 26.03.2025

    Dubayda qiyin ahvolda qolgan ayollar O‘zbekistonga qaytarildi

    11:18 / 25.02.2025

    Dubayda 247 ming dollar qarz bo‘lib qolgan o‘zbekistonlikka yordam ko‘rsatildi

    16:33 / 24.02.2025

    Dubay valiahd shahzodasi dunyodagi eng baland binodan parashyutda sakradi

    08:04 / 16.01.2025

    Dubayning ilg‘or yechimlari Yangi Toshkentda zamonaviy infratuzilmani yaratish doirasida joriy etilishi mumkin